​ഗായകൻ സോമദാസ് ചാത്തന്നൂർ അന്തരിച്ചു. ഹൃദയാഘാതത്തെ തുടർന്നാണ് അന്ത്യം. പുലർച്ചയോടെ കൊല്ലം പാരിപ്പള്ളി മെഡിക്കൽ കോളജിൽ ചികിത്സയിലിരിക്കെയാണ് അന്ത്യം സംഭവിച്ചത്. നേരത്തെ സോമദാസിന് കോവിഡ് സ്ഥിരീകരിച്ചിരുന്നു. കോവിഡാനന്തര ചികിത്സയിലായിരുന്നു അദ്ദേഹം. 

റിയാലിറ്റി ഷോകളിലൂടെ പ്രശസ്തനായ സോമദാസ് ഐഡിയ സ്റ്റാർ സിം​ഗർ, ബി​ഗ് ബോസ് തുടങ്ങിയ പരിപാടികളിലൂടെയാണ് പ്രേക്ഷകർക്ക് സുപരിചിതനായത്. അണ്ണാറ കണ്ണനും തന്നാലായത്, മിസ്റ്റർ പെർഫെക്ട്, മണ്ണാംകട്ടിയും കരിയിലയും തുടങ്ങിയ ചിത്രങ്ങളിൽ അദ്ദേഹം ഗാനങ്ങൾ ആലപിച്ചു. നിരവധി ​ഗാനമേള വേദികളിലും പിന്നണി ​ഗാനരം​ഗത്തും തിളങ്ങിയ വ്യക്തിയാണ് സോമദാസ്. ‍അന്തരിച്ച നടൻ കലാഭവൻ മണിയുടെ ശബ്ദം അനുകരിച്ചും സോമദാസ് ശ്രദ്ധേയനായിരുന്നു. 

വിവാഹിതനാണെങ്കിലും കുടുംബ പ്രശ്നങ്ങളെ തുടർന്ന് പിന്നീട് വിവാഹ മോചനം നേടി. രണ്ടു മക്കളുണ്ട്.