'ഞാൻ ദൈവത്തെ കണ്ടു'; സ്പിൽബെർ​ഗിനെ കണ്ട സന്തോഷത്തിൽ രാജമൗലി

ലോകത്തിലെ ഏറ്റവും ആരാധകരുള്ള ഫിലിംമേക്കറാണ് സ്റ്റീഫൻ സ്പിൽബർ​ഗ്. സിനിമയിലെ പ്രമുഖർ ഉൾപ്പടെ നിരവധി പേരാണ് അദ്ദേഹത്തെ ആരാധ്യപുരുഷനായി കാണുന്നത്. ഇപ്പോൾ സ്പിൽബെർ​ഗിനെ നേരിട്ട് കാണാനായതിന്റെ സന്തോഷം പങ്കുവച്ചുകൊണ്ടുള്ള രാജമൗലിയുടെ കുറിപ്പാണ് വൈറലാവുന്നത്. താൻ ദൈവത്തെ കണ്ടു എന്നു പറഞ്ഞാണ് രാജമൗലി സ്പിൽബർ​ഗിനൊപ്പമുള്ള ചിത്രം സോഷ്യൽ മീഡിയയിൽ പങ്കുവച്ചത്. 

ലോസ് ഏഞ്ചൽസിൽ നടന്ന 80ാം ​ഗോൾഡൻ ​ഗ്ലോബ് പുരസ്കാര പ്രഖ്യാപനച്ചടങ്ങിനിടെയാണ് രാജമൗലി സ്പീൽബർ​ഗിനെ കണ്ടുമുട്ടിയത്. സം​ഗീത സംവിധായകൻ കീരവാണിയും രാജമൗലിക്കൊപ്പമുണ്ടായിരുന്നു. അദ്ദേഹവും ദൈവത്തെ കണ്ട അനുഭവം പങ്കുവച്ചിട്ടുണ്ട്. സിനിമയുടെ ദൈവത്തെ കാണാൻ ഭാ​ഗ്യമുണ്ടായി. ഡ്യൂവൽ ഉൾപ്പെടെയുള്ള അദ്ദേഹത്തിന്റെ സിനിമകൾ എനിക്കിഷ്ടമാണെന്ന് അദ്ദേഹത്തിന്റെ കാതുകളിൽ പറയാൻ  സാധിച്ചു. എന്നാണ് കീരവാണി കുറിച്ചത്. കൂടാതെ നാട്ടു നാട്ടു ​ഗാനം ഇഷ്ടപ്പെട്ടെന്ന് സ്പിൽബർ​ഗ് തന്നോട് പറഞ്ഞെന്ന് വിശ്വസിക്കാനാവുന്നില്ലെന്നും കുറിച്ചു. 

രാജമൗലിയുടെ ആർആർആറിലെ കീരവാണി സം​ഗീതം നൽകിയ നാട്ടു നാട്ടു എന്ന ​ഗാനത്തിന് മികച്ച ഒറിജിനൽ ​ഗാനത്തിനുള്ള ​ഗോൾഡൻ ​ഗ്ലോബ് പുരസ്കാരം നേടിയിരുന്നു. ഇതിന്റെ ഭാ​ഗമായാണ് രാജമൗലിയും കീരവാണിയും ഉൾപ്പടെയുള്ള ആർആർആർ ടീം ചടങ്ങിൽ എത്തിയത്. കൈനിറയെ സമ്മാനവുമായാണ് സ്പിൽബർ​ഗും മടങ്ങിയത്. അദ്ദേഹം സംവിധാനം ചെയ്ത ദ ഫേബിൾസ്മാൻ മികച്ച ചിത്രത്തിനുള്ളതും മികച്ച സംവിധായകനുള്ള പുരസ്കാരവും നേടി. 

ഈ വാര്‍ത്ത കൂടി വായിക്കൂ 

അയ്യപ്പനോട് നന്ദി പറയാനാൻ സന്നിധാനത്തെത്തി ഉണ്ണി മുകുന്ദൻ; ചിത്രം പങ്കുവച്ച് താരം​

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ