അമ്മ യോ​ഗത്തിൽ സുരേഷ് ​ഗോപിയുടെ പിറന്നാളോഘോഷം, കേക്ക് നൽകി മമ്മൂട്ടിയും മോഹൻലാലും; വിഡിയോ

മലയാളത്തിന്റെ പ്രിയതാരം സുരേഷ് ​ഗോപിക്ക് ഇന്ന് 64ാം പിറന്നാൾ. മമ്മൂട്ടിയും മോഹൻലാലും ഉൾപ്പടെ നിരവധി പേരാണ് സൂപ്പർതാരത്തിന് ആശംസകളുമായി എത്തിയത്. താരസംഘടനയായ അമ്മയുടെ ജനറൽ ബോഡി മീറ്റിങ്ങിലും സുരേഷ് ​ഗോപി പങ്കെടുത്തിരുന്നു. യോ​ഗത്തിൽ വച്ച് സുരേഷ് ​ഗോപിയുടെ പിറന്നാൾ ആഘോഷിച്ചു. 

കേക്ക് മുറിച്ച് സുരേഷ് ​ഗോപി പിറന്നാൾ ആഘോഷിക്കുന്നതിന്റെ വിഡിയോ ആണ് പുറത്തുവന്നത്. മമ്മൂട്ടിയുടേയും മോഹൻലാലിന്റേയും സാന്നിധ്യത്തിലായിരുന്നു ആഘോഷം. ഇരുവരും സുരേഷ് ​ഗോപിയ്ക്ക് കേക്ക് നൽകി ആശംസകൾ അറിയിച്ചു. സോഷ്യൽ മീഡിയയിൽ വൈറലാവുകയാണ് വിഡിയോ. മമ്മൂട്ടിക്കും മോഹൻലാലിനുമൊപ്പമുള്ള ചിത്രവും സുരേഷ് ​ഗോപി ഫേയ്സ്ബുക്കിൽ പങ്കുവച്ചു. 

മമ്മൂട്ടി, മോഹൻലാൽ, കുഞ്ചാക്കോ ബോബൻ, ജോണി ആന്റണി, ഷാജി കൈലാസ്, മേജര്‍ രവി തുടങ്ങിയവർ ആശംസകളുമായി എത്തി.suresh-gopiപ്രിയപ്പെട്ട സുരേഷിന് ജന്മദിനാശംസകൾ എന്ന് മമ്മൂട്ടി കുറിച്ചു. 'കിംഗ് ആന്റ് കമ്മീഷണർ' എന്ന ചിത്രത്തിലെ ഫോട്ടോ പങ്കുവച്ചുകൊണ്ടാണ് മമ്മൂട്ടി ആശംസകൾ അറിയിച്ചത്. മോഹൻലാലും സുരേഷ് ​ഗോപിയുടെ ഫോട്ടോ പങ്കുവച്ചു ആശംസ അറിയിച്ചു. കൂടാതെ താരത്തിന്റെ 251ാം ചിത്രത്തിന്റെ രണ്ടാമത്തെ പോസ്റ്ററും പുറത്തുവന്നു. 

ഈ വാര്‍ത്ത കൂടി വായിക്കൂ

ജോണും ടൈ​ഗറും ആക്ഷൻ ചെയ്യും, പക്ഷേ ലോകത്തിലെ ഏറ്റവും മികച്ച ആയോധന കലാകാരൻ ഞാനാണ്; വിദ്യുത് ജംവാൾ​

സമകാലിക മലയാളം ഇപ്പോള്‍ വാട്ടസ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ