കൊല്ലം; ഏഷ്യനെറ്റ് ന്യൂസിലെ പരിപാടിയായ 'മുന്‍ഷി'യില്‍ ആദ്യമായി മുൻഷിയെ അവതരിപ്പിച്ച കെപി ശിവശങ്കര കുറുപ്പ് അന്തരിച്ചു. കൊല്ലം പരവൂര്‍ സ്വദേശിയാണ്. പത്ത് വര്‍ഷത്തോളമാണ് അദ്ദേഹം മുൻഷി എന്ന കഥാപാത്രത്തെ അവതരിപ്പിച്ചത്. പിന്നീട് രാഷ്ട്രീയത്തിലേക്ക് പ്രവേശിച്ച ശേഷം പരമ്പരയിൽ നിന്ന് പിൻമാറുകയായിരുന്നു. 

20 വര്‍ഷത്തോളമായി ഏഷ്യാനെറ്റ് ന്യൂസ് പ്രക്ഷേപണം ആക്ഷേപഹസ്യ പരിപാടിയാണ് മുൻഷി. കേരളത്തിൽ ദിവസേന നടക്കുന്ന പ്രധാന സംഭവങ്ങളെ ആസ്പദമാക്കിയാണ് പരിപാടി. ഏറ്റവും കൂടുതല്‍ എപ്പിസോഡുകള്‍ പ്രക്ഷേപണം ചെയ്യപ്പെട്ട ടെലിവിഷന്‍ പരിപാടി എന്ന നിലയില്‍ ലിംക ബുക്ക് ഓഫ് വേള്‍ഡ് റെക്കോഡ്സില്‍ ഇടം നേടിയിരുന്നു.