ടൊവിനോ-കല്യാണി ചിത്രം തല്ലുമാല തിയറ്ററിലേക്ക്; റിലീസ് പ്രഖ്യാപിച്ചു

ടൊവിനോ തോമസും കല്യാണി പ്രിയദർശനും പ്രധാനവേഷങ്ങളിലെത്തുന്ന തല്ലുമാലയുടെ റിലീസ് പ്രഖ്യാപിച്ചു. ചിത്രം ആഗസ്റ്റ് 12ന് തിയറ്ററുകളിൽ എത്തും. മണവാളൻ വസിം എന്ന കഥാപാത്രമായാണ് ടൊവിനോ ചിത്രത്തിൽ അഭിനയിക്കുന്നത്.

ഷൈൻ ടോം ചാക്കോ, ജോണി ആന്റണി, ബിനു പപ്പു, ലുക്ക്മാൻ അവറാൻ തുടങ്ങി ഒരു നീണ്ട താരനിര തന്നെ ചിത്രത്തിലുണ്ട്. ഖാലിദ് റഹ്മാൻ സംവിധാനം ചെയ്തിരിക്കുന്ന ചിത്രം ആഷിഖ് ഉസ്മാൻ പ്രൊഡക്ഷൻസിന്റെ ബാനറിൽ, ആഷിഖ് ഉസ്മാൻ ആണ് നിർമാണം. മുഹ്‌സിൻ പരാരിയും അഷറഫ് ഹംസയും ചേർന്നാണ് തിരക്കഥയൊരുക്കുന്നത്. ദുബായിലും തലശ്ശേരിയിലും കണ്ണൂരിലുമായിരുന്നു സിനിമയയുടെ പ്രധാന ലൊക്കേഷൻ. 

ഈ വാർത്ത കൂടി വായിക്കാം 

‍കറുപ്പിൽ മഴവില്ലായി മീര ജാസ്മിൻ; പുതിയ ചിത്രങ്ങൾ 

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ