തൈമൂറിനുമൊപ്പം ദീപാവലി ആഘോഷിച്ച് സാറ അലി ഖാൻ; ചിത്രങ്ങൾ 

അച്ഛൻ സെയ്ഫ് അലി ഖാനും കരീന കപൂറിനുമൊപ്പം ദീപാവലി ആഘോഷിച്ച സന്തോഷം പങ്കുവച്ചിരിക്കുകയാണ് ബോളിവുഡ് നടി സാറാ അലിഖാൻ. സഹോദരൻ ഇബ്രാഹിം ഖാനൊപ്പമാണ് സെയ്ഫും കരീനയും തൈമൂറുമായി ചേർന്ന് സാറ ദീപാവലി ആഘോഷിച്ചത്. സാറാ തന്നെയാണ്​ ചിത്രങ്ങൾ ഇൻസ്റ്റഗ്രാമിൽ പങ്കുവച്ചിരിക്കുന്നത്.

സെയ്ഫിന്റെയും മുൻഭാര്യ അമൃത സിങ്ങിന്റെയും മക്കളാണ് സാറായും ഇബ്രാഹിമും. ‘കേദാർനാഥ്’ എന്ന ചിത്രത്തിലൂടെ കഴിഞ്ഞ വർഷമാണ് സാറ സിനിമയിലെത്തിയത്. സമൂഹമാധ്യമങ്ങളിലടക്കം വലിയ നിര ആരാധകരുമായി ബി ടൗണിലെ പ്രിയ താരമായി മാറിയിരിക്കുകയാണ് സാറ.