മണിയൻ പിള്ള രാജുവിന്റെ മകൻ വിവാഹിതനായി; വധു ഐശ്വര്യ

നടൻ മണിയൻ പിള്ള രാജുവിന്റെ മകൻ  സച്ചിൻ രാജു വിവാഹിതനായി. ഐശ്വര്യ പി നായരാണ് വധു. ശംഖുമുഖം ദേവി ക്ഷേത്രത്തിൽ വച്ചായിരുന്നു വിവാഹ ചടങ്ങുകൾ. ഇരുവരുടെയും അടുത്ത ബന്ധുക്കൾ മാത്രമാണ് വിവാഹചടങ്ങുകളിൽ പങ്കെടുത്തത്.

സിനിമാ–രാഷ്ട്രീയ–സാംസ്കാരികരംഗത്തെ പ്രമുഖർക്കും സുഹൃത്തുക്കൾക്കുമായി ഒരുക്കുന്ന വിവാഹസൽക്കാരം ജനുവരി 19ന് തിരുവനന്തപുരത്ത് വച്ച് നടക്കും.

സച്ചിന്റെ സഹോദരൻ നിരഞ്ജ് രാജുവും അഭിനേതാവാണ്. രജിഷ നായികയായി എത്തിയ ഫൈനൽസിൽ നായകനായത് നിരഞ്ജ് ആണ്. മോഹൻലാൽ ചിത്രം ഡ്രാമയിലും നിരഞ്ജ് ഒരു ശ്രദ്ധേയ വേഷം ചെയ്തിട്ടുണ്ട്.