സംവിധായകന്‍ കെ.ജി രാജശേഖരന്‍ അന്തരിച്ചു

ചെന്നൈ; പ്രമുഖ സിനിമ സംവിധായകനും തിരക്കഥാകൃത്തുമായിരുന്ന കെ.ജി രാജശേഖരന്‍ അന്തരിച്ചു. 72 വയസായിരുന്നു. ചെന്നൈയിലെ വസതിയിലായിരുന്നു അന്ത്യം.തിരയും തീരവും, പാഞ്ചജന്യം. പത്മതീര്‍ത്ഥം തുടങ്ങിയ മുപ്പതോളം സിനിമകള്‍ സംവിധാനം ചെയ്തിട്ടുണ്ട്. 

1978 ല്‍ റിലീസ് ചെയ്ത പത്മതീര്‍ത്ഥം ആണ് രാജശേഖരന്റെ ആദ്യ ചിത്രം. 30 സിനിമകള്‍ സംവിധാനം ചെയ്തത് കൂടാതെ അഞ്ചോളം സിനിമകള്‍ക്ക് കഥയും ഒരു സിനിമയ്ക്ക് തിരക്കഥയും എഴുതിയിട്ടുണ്ട്. ബിരുദ പഠനം പൂര്‍ത്തിയാക്കിയതിന് ശേഷമാണ് കെ.ജി രാജശേഖരന്‍ സഹസംവിധായകനായി സിനിമയിസേക്ക് എത്തുന്നത്. 1992 ല്‍ പുറത്തിറങ്ങിയ സിംഹധ്വനിയാണ് അവസാന ചിത്രം. അമ്പിളിയാണ് ഭാര്യ.