ന്യൂഡല്‍ഹി: മുന്‍ പ്രധാനമന്ത്രി ഡോ. മന്‍മോഹന്‍ സിങിനെ ആശുപത്രിയില്‍ പ്രവേശിപ്പിച്ചു. നെഞ്ചു വേദനയെ തുടര്‍ന്നാണ് അദ്ദേഹത്തെ ആശുപത്രിയില്‍ പ്രവേശിപ്പിച്ചത്. എയിംസില്‍ പ്രവേശിപ്പിച്ച അദ്ദേഹം ഇപ്പോള്‍ നിരീക്ഷണത്തിലാണ്.  

ശ്വാസ തടസവും അസ്വസ്ഥതയും അനുഭവപ്പെട്ടതിനെ തുടര്‍ന്നാണ് രാത്രി 8.45ഓടെ അദ്ദേഹത്തെ എയിംസിലേക്ക് കൊണ്ടുപോയതെന്ന് മുന്‍ പ്രധാനമന്ത്രിയോട് അടുത്തവൃത്തങ്ങള്‍ വ്യക്തമാക്കി. എയിംസില്‍ വിദഗ്ധ ഡോക്ടര്‍മാരുടെ നിരീക്ഷണത്തിലാണ് അദ്ദേഹമെന്നും അവര്‍ കൂട്ടിച്ചേര്‍ത്തു.