കര്‍ണാടകയില്‍ കുഞ്ഞിനെ ദത്തെടുത്താലും 180 ദിവസം അവധി

ബെംഗളൂരു: കുഞ്ഞുങ്ങളെ ദത്തെടുക്കുന്ന വനിതാ ജീവനക്കാർക്കും പ്രസവാവധിക്ക് തുല്യമായ അവധി നൽകി കർണാടക സർക്കാർ.
ഒരു വയസ്സിനു താഴെയുള്ള കുട്ടികളെ ദത്തെടുക്കുന്ന വനിതാ ജീവനക്കാർക്കും  180 ദിവസത്തെ അവധി കർണാടക സർക്കാർ അനുവദിച്ചു.

ഭർത്താക്കന്മാർക്ക് 15 ദിവസം അവധിയെടുക്കാം. നേരത്തേ ദത്തെടുക്കുന്ന സ്ത്രീകൾക്ക് 60 ദിവസമായിരുന്നു അവധിയായി അനുവദിച്ചിരുന്നത്. ദത്തടെക്കുപ്പെടുമ്പോഴും കുഞ്ഞുങ്ങളുമായി അടുപ്പം കൂട്ടാൻ മാതാപിതാക്കൾക്ക് സമയം വേണമെന്ന് ചൂണ്ടിക്കാണിച്ചാണ് കർണടക സർക്കാരിന്റെ നീക്കം. 

ഈ വര്‍ഷം ഫെബ്രുവരി 22നാണ് ഇത് സംബന്ധിച്ച നിയമം പുറത്തിറക്കിയത്. ഇത് ഇപ്പോള്‍ ഗസറ്റില്‍ പ്രസിദ്ധീകരിച്ചു. ദത്തെടുക്കുന്ന വിവരം പുറത്ത് പറയാന്‍ മടിക്കുന്ന പ്രവണതകളെ ഇതിലൂടെ മറികടക്കാമെന്നും സാമൂഹിക പ്രവര്‍ത്തകര്‍ പറയുന്നു.