കത്തിത്തീര്‍ന്ന രാവണന്റെ കോലം തകര്‍ന്നുവീണു; ആറുപേര്‍ക്ക് പരിക്ക് - വീഡിയോ 

ചണ്ഡീഗഡ്: ഹരിയാനയില്‍ ദസറ ആഘോഷത്തിനിടെ, കത്തിത്തീര്‍ന്ന രാവണന്റെ കോലം തകര്‍ന്നുവീണ് ആറുപേര്‍ക്ക് പരിക്ക്. ആര്‍ക്കും ജീവഹാനി സംഭവിച്ചിട്ടില്ല എന്നാണ് റിപ്പോര്‍ട്ടുകള്‍.

ഹരിയാനയിലെ യമുനാനഗറിലാണ് സംഭവം. ദസറ ആഘോഷത്തിന്റെ ഭാഗമായാണ് രാവണന്റെ കോലം കത്തിച്ചത്. കത്തിത്തീരുന്നതിനിടെ കോലം തകര്‍ന്ന് കകാഴ്ചക്കാരുടെ മുകളിലേക്ക് വീഴുകയായിരുന്നു. കോലം വീഴുന്നത് കണ്ട് ആളുകള്‍ ഓടി മാറിയത് കൊണ്ടാണ് വന്‍ദുരന്തം ഒഴിവായത്.

പരിക്കേറ്റവരെ ഉടന്‍ തന്നെ ആശുപത്രിയില്‍ പ്രവേശിപ്പിച്ചു. ആരുടെയും പരിക്ക് ഗുരുതരമല്ല എന്നാണ് റിപ്പോര്‍ട്ടുകള്‍. തിന്മയ്‌ക്കെതിരെയുള്ള നന്മയുടെ വിജയം എന്ന നിലയിലാണ് രാജ്യം ദസറ ആഘോഷിക്കുന്നത്. രാമന്റെ വിജയത്തിന്റെ പ്രതീകമായാണ് രാവണന്റെ കോലം കത്തിക്കുന്നത്.

ഈ വാര്‍ത്ത കൂടി വായിക്കൂ 

അമിത വേഗതയില്‍ നിയന്ത്രണം വിട്ട് കാര്‍ കുതിച്ചെത്തി; നിര്‍ത്തിയിട്ട ആംബുലന്‍സിനെയും മൂന്നു കാറുകളെയും ഇടിച്ചു തെറിപ്പിച്ചു; അഞ്ചു മരണം

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ