മുംബൈ: 40 വര്‍ഷത്തിനിടയിലെ ഏറ്റവും ഉയര്‍ന്ന മഴയാണ് ജൂലൈ മാസത്തില്‍ മഹാരാഷ്ട്രയില്‍ പെയ്തിറങ്ങിയത്. കൊങ്കണ്‍മേഖലയിലാണ് ഏറ്റവുമധികം നാശം വിതച്ചത്. റായ്ഗഡ്, ചിപ്ലൂണ്‍ തുടങ്ങിയ പ്രദേശങ്ങളില്‍ നിരവധി ഗ്രാമങ്ങളാണ് ഒറ്റപ്പെട്ടത്.ഇന്ന് വൈകീട്ടോടെ മഹാരാഷ്ട്രയില്‍ മഴ കുറയുമെന്നാണ് കേന്ദ്ര കാലാവസ്ഥ വകുപ്പിന്റെ പ്രവചനം.

ഇപ്പോള്‍ സാംഗ്ലി ജില്ലയില്‍ നിന്നുള്ള ദൃശ്യങ്ങളാണ് വൈറലാകുന്നത്. കൃഷ്ണ നദിയില്‍ ജലനിരപ്പ് ഉയര്‍ന്നതിനെ തുടര്‍ന്ന് മുതല റോഡിലേക്ക് കയറി വന്നതാണ് ദൃശ്യങ്ങളിലുള്ളത്. കനത്തമഴയെ തുടര്‍ന്ന് കൃഷ്ണ നദി അപകടകരമായ നിലയിലാണ് ഒഴുകുന്നത്.