ബുര്‍ഖയില്‍ 18ലക്ഷം രൂപയുടെ സ്വര്‍ണമുത്തുകള്‍ തുന്നിച്ചേര്‍ത്തു, തിരിച്ചറിയാതിരിക്കാന്‍ റോഡിയം കൊണ്ട് പൊതിഞ്ഞു; ദുബൈ വനിത കയ്യോടെ പിടിയില്‍

ഹൈദരാബാദ്: ബുര്‍ഖയില്‍ ഒളിപ്പിച്ച നിലയില്‍ സ്വര്‍ണം കടത്താന്‍ ശ്രമിച്ച ദുബൈ വനിത വിമാനത്താവളത്തില്‍ പിടിയില്‍. ഇവരില്‍ നിന്ന് 18 ലക്ഷം രൂപ വില വരുന്ന 350 ഗ്രാം സ്വര്‍ണമാണ് പിടികൂടിയത്.

ഹൈദരാബാദിലെ ഷംഷാബാദ് രാജ്യാന്തര വിമാനത്താവളത്തില്‍ ഞായറാഴ്ചയാണ് സംഭവം. ബുര്‍ഖയില്‍ മുത്തുകളുടെ രൂപത്തില്‍ സ്വര്‍ണം കടത്താനാണ് ശ്രമിച്ചത്. റോഡിയം പൊതിഞ്ഞ നിലയിലായിരുന്നു മുത്തുകള്‍. 

മുത്തുകള്‍ ബുര്‍ഖയില്‍ തുന്നിച്ചേര്‍ത്ത നിലയിലായിരുന്നുവെന്നാണ് റിപ്പോര്‍ട്ടുകള്‍. സംഭവത്തില്‍ യാത്രക്കാരിക്കെതിരെ കേസെടുത്ത് അന്വേഷണം ആരംഭിച്ചിട്ടുണ്ട്.