ഗ്യാസു കുറ്റിയുമായി കാളവണ്ടിയില്‍ സമരം; വണ്ടി തകര്‍ന്ന് എല്ലാം താഴെ; ബഹളം (വീഡിയോ)

മുംബൈ: ഇന്ധന വില വര്‍ധനയില്‍ പൊറുതിമുട്ടുകയാണ് ജനം. ഈ മാസം പത്ത് ദിവസത്തിനിടെ ആറ് തവണയാണ് വില വര്‍ധിപ്പിച്ചത്. രാജ്യത്തുടനീളം വിവിധ പ്രതിപക്ഷ പാര്‍ട്ടികള്‍ വലിയ പ്രതിഷേധങ്ങളും സമരങ്ങളും സംഘടിപ്പിക്കുന്നുണ്ട്. 

മുംബൈയില്‍ കോണ്‍ഗ്രസ് കാള വണ്ടിയുമായി നിരത്തിലിറങ്ങിയാണ് സമരം നടത്തിയത്. ഈ സമരത്തിനിടെ എത്തിച്ച കാള വണ്ടി തകര്‍ന്നു വീണു. ഇതിന്റെ വീഡിയോ വ്യാപകമായി ഇപ്പോള്‍ പ്രചരിക്കുന്നുണ്ട്. പ്രവർത്തകർ ​ഗ്യാസ് കുറ്റിയും മറ്റുമായി വണ്ടിയിൽ കയറിയതോടെ ഭാരം കൂടിയാണ് അപകടമുണ്ടായത്.

കളവണ്ടി നിര്‍ത്തിയിട്ട നിലയിലായിരുന്നു. ഇതിന് മുകളില്‍ നിരവധി പ്രവര്‍ത്തകര്‍ കയറി നിന്നതോടെയാണ് വണ്ടി തകര്‍ന്നത്. ആര്‍ക്കും പരിക്കേറ്റതായി റിപ്പോര്‍ട്ടുകളില്ല.