ന്യൂഡല്‍ഹി: സ്ത്രീകളുടെ കല്യാണ പ്രായം 21 ആക്കുന്നതുമായി ബന്ധപ്പെട്ട് രാജ്യത്ത് ചര്‍ച്ചകള്‍ പുരോഗമിക്കുന്നതിനിടെ, വിവാദ പരാമര്‍ശവുമായി സമാജ് വാദി പാര്‍ട്ടി എംപി. പ്രത്യുല്‍പ്പാദനശേഷി ആര്‍ജിക്കുന്ന പ്രായം എത്തുമ്പോള്‍ തന്നെ  പെണ്‍കുട്ടികളെ കല്യാണം കഴിപ്പിച്ച് വിടണമെന്ന എസ് ടി ഹസന്റെ പരാമര്‍ശമാണ് വിവാദമായത്.

'പ്രത്യുല്‍പ്പാദനശേഷി ആര്‍ജിക്കുന്ന പ്രായം എത്തുമ്പോള്‍ തന്നെ പെണ്‍കുട്ടികളെ കല്യാണം കഴിപ്പിച്ച് വിടണം. പക്വതയുള്ള പെണ്‍കുട്ടിയാണെങ്കില്‍ 16-ാം വയസില്‍ കല്യാണം കഴിക്കുന്നതില്‍ ഒരു തെറ്റും പറയാനില്ല. പെണ്‍കുട്ടികള്‍ക്ക് 18-ാമത്തെ വയസ് മുതല്‍ വോട്ടവകാശം വിനിയോഗിക്കാം. എന്നാല്‍ എന്തുകൊണ്ട് ഈ പ്രായത്തില്‍ കല്യാണം കഴിച്ചുകൂടാ?.' , പെണ്‍കുട്ടികളുടെ കല്യാണ പ്രായം 21 ആക്കി ഉയര്‍ത്താനുള്ള കേന്ദ്രസര്‍ക്കാര്‍ തീരുമാനത്തില്‍ പ്രതികരിക്കുകയായിരുന്നു എംപി.