ട്രെയിനില്‍ ഓടിക്കയറാന്‍ യുവതിയുടെ ശ്രമം, പിടിവിട്ട് വീണു; ഒടുവില്‍- വീഡിയോ 

മുംബൈ: ഓടുന്ന ട്രെയിനില്‍ ചാടിക്കയറാന്‍ ശ്രമിക്കുന്നത് അപകടം ക്ഷണിച്ചുവരുത്തും എന്നത് റെയില്‍വേ ആവര്‍ത്തിച്ച് നല്‍കുന്ന മുന്നറിയിപ്പ് ആണ്. എന്നാല്‍ ധൃതിയില്‍ ചിലര്‍ ഇത് കാര്യമാക്കാതെ അപകടത്തില്‍പ്പെടുന്ന നിരവധി സംഭവങ്ങള്‍ ഉണ്ടായിട്ടുണ്ട്. ഇപ്പോള്‍ അത്തരത്തില്‍ ഓടിക്കയറാന്‍ ശ്രമിച്ച യാത്രക്കാരന്‍ അപകടത്തില്‍പ്പെടുന്നതും സമയോചിതമായ ഇടപെടലിലൂടെ രക്ഷിക്കുന്നതുമായ വീഡിയോയാണ് വൈറലാകുന്നത്.

ആര്‍പിഎഫ് ഇന്ത്യയാണ് മുന്നറിയിപ്പോടെ വീഡിയോ പങ്കുവെച്ചത്. മഹാരാഷ്ട്രയിലെ ദഹിസര്‍ സ്റ്റേഷനിലാണ് സംഭവം. പ്ലാറ്റ്്‌ഫോമില്‍ നിന്ന് പുറപ്പെടാന്‍ തുടങ്ങിയ ട്രെയിനില്‍ കയറാന്‍ ശ്രമിച്ച സ്ത്രീയാണ് അപകടത്തില്‍പ്പെട്ടത്.

പിടിവിട്ട് വീണ സ്ത്രീയെ പ്ലാറ്റ്‌ഫോമിലേക്ക് വലിച്ച് കയറ്റി സുരക്ഷാ ഉദ്യോഗസ്ഥനാണ് രക്ഷിച്ചത്. പ്ലാറ്റ്‌ഫോമിനും ട്രെയിനും ഇടയിലേക്ക് വീഴുമായിരുന്ന ഘട്ടത്തിലാണ് ആര്‍പിഎഫ് ഹെഡ് കോണ്‍സ്റ്റബിള്‍ ലാലുഭ സിന്ധ സമയോചിതമായ ഇടപെടല്‍ നടത്തിയത്.

ഈ വാര്‍ത്ത കൂടി വായിക്കൂ 

കശ്മീരി പണ്ഡിറ്റിനെ കൊലപ്പെടുത്തിയ ഭീകരനെ ഏറ്റുമുട്ടലില്‍ വധിച്ച് സൈന്യം

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ‌