ന്യൂഡല്‍ഹി: ഉത്തരേന്ത്യയിലെ ഉഷ്ണതരംഗം തിങ്കളാഴ്ചയോടെ കുറയുമെന്ന് കേന്ദ്ര കാലാവസ്ഥവകുപ്പ്. ഡല്‍ഹി, ഹിമാചല്‍ പ്രദേശ്, പഞ്ചാബ്, ഹരിയാന, ഛത്തീസ്ഗഡ്, ദക്ഷിണ യുപി, കിഴക്കന്‍ രാജസ്ഥാന്‍ എന്നിവിടങ്ങളില്‍ ഉഷ്ണ തരംഗം കുറയുമെന്നാണ് കാലാവസ്ഥ വകുപ്പ് വ്യക്തമാക്കിയിരിക്കുന്നത്. 

122 വര്‍ഷത്തിലെ ഏറ്റവും ചൂടുകൂടിയ വേനല്‍ക്കാലമാണ് ഉത്തരേന്ത്യയില്‍ അനുഭവപ്പെടുന്നത്. ഇടയ്ക്കിടെ ഉണ്ടാകുന്ന മഴയുടെ അഭാവത്തെ തുടര്‍ന്ന് ഡല്‍ഹിയില്‍ മാത്രം ഈ മാസം രണ്ടു തവണയാണ് ഉഷ്ണതരംഗം സംഭവിച്ചത്.

കല്‍ക്കരി ക്ഷാമത്തെ തുടര്‍ന്നുള്ള വൈദ്യുതി പ്രതിസന്ധിയും പ്രതികൂല സാഹചര്യം സൃഷ്ടിച്ചിട്ടുണ്ട്. രാജസ്ഥാനില്‍ നാലു മണിക്കൂറോളമാണ് പവര്‍ക്കട്ട്. മെയ് മൂന്നാം തീയതിയോടെ ഉത്തരേന്ത്യന്‍ സംസ്ഥാനങ്ങളില്‍ ഭാഗികമായി മഴ ലഭിച്ചേക്കുമെന്നാണ് കാലാവസ്ഥ നിരീക്ഷണ കേന്ദ്രം പ്രതീക്ഷിക്കുന്നത്. 

ഈ വാര്‍ത്ത കൂടി വായിക്കാം പ്രാര്‍ത്ഥന വീടുകളില്‍ മതി; ഈദ് ദിനത്തില്‍ മധ്യപ്രദേശിലെ ഖാര്‍ഗോണില്‍ നിരോധനാജ്ഞ

സമകാലിക മലയാളം ഇപ്പോൾ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾ അറിയാൻ ക്ലിക്ക് ചെയ്യൂ