സിബിഎസ്ഇ പോര്‍ട്ടലിലെ സുരക്ഷാവീഴ്ച കണ്ടെത്തി; പത്തൊന്‍പതുകാരന് ജോലിനല്‍കി കാണ്‍പുര്‍ ഐഐടി
പത്തൊന്‍പതുകാരനായ നിസര്‍ഗ
Edited by :Amal Joy
Last Updated :12 ജൂൺ 2026, 11:36 am IST
ന്യൂഡല്‍ഹി: സിബിഎസ്ഇയുടെ ഓണ്‍സ്‌ക്രീന്‍ മാര്‍ക്കിങ് (ഒഎസ്എം) പോര്‍ട്ടലിലെ സുരക്ഷാവീഴ്ചകള്‍ കണ്ടെത്തിയ പന്ത്രണ്ടാം ക്ലാസ് വിദ്യാര്‍ഥിക്ക് ജോലിനല്‍കി കാണ്‍പുര്‍ ഐഐടി. പത്തൊന്‍പതുകാരനായ നിസര്‍ഗ അധികാരിക്ക് ടെക്നോളജി ഇനവേഷന്‍ ഹബ്ബില്‍ സൈബര്‍ സുരക്ഷാ എന്‍ജിനിയറായാണ് നിയമനം നല്‍കിയിരിക്കുന്നത്. നിസര്‍ഗ പ്രഗല്‍ഭനാണെന്നും കഴിവുകളും ശേഷിയും വര്‍ധിപ്പിക്കാനുള്ള അവസരമാണ് നല്‍കുന്നതെന്നും കാണ്‍പുര്‍ ഐഐടി ഡയറക്ടര്‍ മണീന്ദ്ര അഗര്‍വാള്‍ പറഞ്ഞു.
പന്ത്രണ്ടാം ക്ലാസ് മൂല്യനിര്‍ണയത്തിനായി സിബിഎസ്ഇ കരാറിലേര്‍പ്പെട്ട സ്വകാര്യകമ്പനിയുടെ ഒഎസ്എം പോര്‍ട്ടലിലെ പ്രശ്‌നങ്ങള്‍ നിസര്‍ഗയാണ് പുറത്തുകൊണ്ടുവന്നത്. സിനര്‍ഗയെ സൈബര്‍ ടീമില്‍ എന്‍ജിനിയറായാണ് നിയമിച്ചിരിക്കുന്നതെന്നും കാന്‍പുര്‍ ഐഐടി ജോലിക്കെടുക്കുന്ന പ്രായം കുറഞ്ഞ എന്‍ജിനിയര്‍മാരില്‍ ഒരാളാകും നിസര്‍ഗയെന്നതില്‍ സംശയമില്ലെന്നും മണീന്ദ്ര അഗര്‍വാള്‍ പറഞ്ഞു.
പശ്ചിമബംഗാള്‍ സ്വദേശിയായ നിസര്‍ഗ ഈവര്‍ഷമാണ് പന്ത്രണ്ടാം ക്ലാസ് പാസായത്. ആറുവയസ്സുള്ളപ്പോള്‍ത്തന്നെ സൈബര്‍ സുരക്ഷാ കാര്യങ്ങളില്‍ തത്പരനായിരുന്നു. സ്‌കൂള്‍ പഠനകാലത്താണ് എത്തിക്കല്‍ ഹാക്കിങ് രംഗത്തെത്തിയത്. പഠനത്തിനൊപ്പംതന്നെ സോഫ്റ്റ്വേര്‍ എന്‍ജിനിയറിങ് ജോലികളും ചെയ്തിട്ടുണ്ട്. ചില സ്റ്റാര്‍ട്ടപ്പുകള്‍ക്കൊപ്പമാണ് നേരത്തേ ജോലിചെയ്തിരുന്നത്.
News Now
സിസിടിവി ദൃശ്യങ്ങൾ 18 മാസങ്ങൾ സൂക്ഷിക്കണമെന്നാണ് നിയമം
'ഉത്കണ്ഠയ്ക്കുള്ള മരുന്നുകള്‍ വീണ്ടും കഴിച്ചു തുടങ്ങി, ഏറ്റവും ബുദ്ധിമുട്ടേറിയ ആഴ്ചകള്‍'; കുറിപ്പുമായി അഞ്ജു ജോസഫ്
ഉറക്കം മുതൽ ഹൃദയാരോഗ്യം വരെ; ഗുണങ്ങൾ ഏറെയുള്ള 3 ഹെർബൽ ടീകൾ
വള്ളി നിറയെ കായ്ക്കും, പടവലം പറിച്ചു മടുക്കും; കൃഷി ചെയ്യുമ്പോള്‍ ഈ 7 കാര്യങ്ങള്‍ ശ്രദ്ധിക്കൂ
Summary
IIT Kanpur Appoints Teen Tech Talent Nisarga Adhikary After Exposing CBSE OSM Security Flaws
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
