പ്രധാനമന്ത്രിയുടെ ചിത്രമടക്കം നോക്കുകുത്തിയായി മോർഫ് ചെയ്തു; വാട്സാപ്പ് സ്റ്റാറ്റസിലടക്കം പ്രചരിപ്പിച്ചു, യുവാവ് അറസ്റ്റിൽ  

ന്യൂഡൽഹി: പ്രധാനമന്ത്രി അടക്കമുള്ള പ്രമുഖരുടെ ചിത്രങ്ങൾ നോക്കുകുത്തിയായി മോർഫ് ചെയ്ത് വാട്‌സാപ്പിലൂടെ പ്രചരിപ്പിച്ചയാൾ അറസ്റ്റിൽ. ഉത്തർപ്രദേശിലെ സംഭാൽ സ്വദേശിയായ അഭിഷേക് ഗുപ്ത എന്നയാളാണ് അറസ്റ്റിലായത്. ചിത്രങ്ങൾ സ്വയം എഡിറ്റ് ചെയ്ത് ഇയാൾ വാട്‌സാപ്പ് സ്റ്റാറ്റസിലടക്കം പങ്കുവയ്ക്കുകയായിരുന്നു. 

വാട്‌സാപ്പിന് പുറമെ മെസഞ്ചറിലൂടെയും ചിത്രങ്ങൾ പങ്കുവച്ചിട്ടുണ്ടെന്ന് പൊലീസ് കണ്ടെത്തി. പ്രധാനമന്ത്രി നരേന്ദ്ര മോദി, ആഭ്യന്തര മന്ത്രി അമിത് ഷാ, ഉത്തർപ്രദേശ് മുഖ്യമന്ത്രി യോഗി ആദിത്യനാഥ്, ആർഎസ്എസ് മേധാവി മോഹൻ ഭഗവത് തുടങ്ങിയവരുടെ ചിത്രങ്ങളാണ് ഇയാൾ വികൃതമാക്കി പ്രചരിപ്പിച്ചത്. ട്വിറ്ററിൽ പരാതി ലഭിച്ചതിന് പിന്നാലെ നടത്തിയ അന്വേഷണത്തിലാണ് പ്രതിയെ അറസ്റ്റ് ചെയ്തത്.