പറ്റ്‌ന: മദ്യലഹരിയില്‍ അണലിയെ കടിച്ചയാള്‍ മരിച്ചു. നളന്ദ ജില്ലയിലെ മധോദേഹ് ഗ്രാമവാസി രാമ മഹ്‌തോയാണു മരിച്ചത്. 65 വയസ്സായിരുന്നു. 

വീടിനു മുന്നിലിരിക്കുമ്പോഴാണ് മഹ്‌തോയുടെ കാലില്‍ കടിയേറ്റത്. കടിച്ച അണലിക്കുഞ്ഞിനെ ഓടിച്ചിട്ടു പിടിച്ചു മഹ്‌തോ തിരിച്ചു കടിക്കുകയായിരുന്നു.മഹ്‌തോയുടെ കടിയേറ്റ അണലിയും വിട്ടില്ല. മഹ്‌തോയുടെ മുഖത്തു പത്തു തവണയാണ് കൊത്തിയത്. അതിന് പിന്നാലെ പാമ്പിനെ കടിച്ച് കൊന്ന ശേഷം മഹ്‌തോ വീടിനു മുന്നിലുള്ള മരക്കൊമ്പില്‍ തൂക്കിയിട്ടു. വിഷപ്പാമ്പായതിനാല്‍ ആശുപത്രിയില്‍ പോകാന്‍ വീട്ടുകാര്‍ നിര്‍ബന്ധിച്ചെങ്കിലും മഹ്‌തോ വഴങ്ങിയില്ല.

പാമ്പിന്‍ കുഞ്ഞായതിനാല്‍ വിഷമുണ്ടാകില്ലെന്ന ധൈര്യത്തിലായിരുന്നു മഹ്‌തോ. ഞായറാഴ്ച വൈകിട്ട് ഉറങ്ങാന്‍ കിടന്ന മഹ്‌തോ തിങ്കളാഴ്ച ഉണര്‍ന്നില്ലെന്നു ബന്ധുക്കള്‍ പറഞ്ഞു