'എനിക്ക് ദിവ്യശക്തി, സംതൃപ്തിപ്പെടുത്തിയില്ലെങ്കില്‍ ശാപം'; 19കാരിയെ മൂന്ന് വര്‍ഷം പീഡിപ്പിച്ച 58കാരന്‍ അറസ്റ്റില്‍ 

മുംബൈ: കഴിഞ്ഞ മൂന്ന് വര്‍ഷമായി 19കാരിയെ നിരന്തരമായി പീഡിപ്പിച്ച കേസില്‍ 58കാരന്‍ അറസ്റ്റില്‍. തനിക്ക് ദിവ്യശക്തിയുണ്ടെന്ന് അവകാശപ്പെട്ട് സോഫ്റ്റ് വെയര്‍ കമ്പനിയിലെ ജീവനക്കാരനായ 58കാരന്‍ പെണ്‍കുട്ടിയെ വരുതിയിലാക്കുകയായിരുന്നുവെന്ന് പൊലീസ് പറയുന്നു.

മുംബൈ വെര്‍സോവ പൊലീസ് സ്റ്റേഷന്‍ പരിധിയിലാണ് സംഭവം. പൊലീസ് ഉദ്യോഗസ്ഥന്റെ മകളായ 19കാരി തനിക്ക് നേരെ ഉണ്ടായ ദുരനുഭവം വീട്ടുകാരോട് തുറന്നുപറഞ്ഞതോടെയാണ് സംഭവം പുറംലോകം അറിഞ്ഞത്. പെണ്‍കുട്ടിയുടെ വീട്ടുകാരുടെ പരാതിയിലാണ് 58കാരനെ ഞായറാഴ്ച പൊലീസ് അറസ്റ്റ് ചെയ്തത്.

പെണ്‍കുട്ടി ആദ്യം പീഡിപ്പിക്കപ്പെട്ട സമയത്ത് 18 വയസില്‍ താഴെയായിരുന്നു പ്രായം. അതിനാല്‍ പോക്‌സോ ഉള്‍പ്പെടെയുള്ള വകുപ്പുകള്‍ ചുമത്തിയാണ് 58കാരനെതിരെ കേസെടുത്തത്. 

തനിക്ക് ദിവ്യശക്തിയുണ്ടെന്ന് പറഞ്ഞ് വിശ്വസിപ്പിച്ച് 58കാരന്‍ പെണ്‍കുട്ടിയെ വീട്ടിലേക്ക് വിളിച്ചുവരുത്തിയതായി പൊലീസ് പറയുന്നു. തുടര്‍ന്ന് പ്രസാദം എന്ന പേരില്‍ മയക്കുമരുന്ന് കലര്‍ത്തിയ ഭക്ഷണപദാര്‍ത്ഥം പെണ്‍കുട്ടിക്ക് നല്‍കി മയക്കി. തുടര്‍ന്ന് പീഡിപ്പിച്ചു എന്നതാണ് പരാതിയില്‍ പറയുന്നത്. 

തന്നെ സംതൃപ്തിപ്പെടുത്തിയില്ലെങ്കില്‍ ശാപം ലഭിക്കുമെന്ന് പറഞ്ഞ് ഭീഷണിപ്പെടുത്തി പീന്നീട് നിരന്തരം പീഡിപ്പിച്ചതായും പരാതിയില്‍ പറയുന്നു. തന്റെ അശ്ലീല ദൃശ്യങ്ങള്‍ കാണിച്ച് തന്നെ ബ്ലാക്ക്‌മെയില്‍ ചെയ്തതായും പെണ്‍കുട്ടിയുടെ പരാതിയില്‍ പറയുന്നതായി പൊലീസ് പറയുന്നു.

ഈ വാര്‍ത്ത കൂടി വായിക്കൂ 

മയക്കുമരുന്ന് വാങ്ങാന്‍ പണം നല്‍കിയില്ല, അമ്മയെ തല്ലുന്നതില്‍ നിന്ന് രക്ഷിക്കാന്‍ ശ്രമിച്ച സഹോദരനെ കുത്തിക്കൊന്നു, 19കാരന്‍ അറസ്റ്റില്‍ 

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ