തർക്കത്തിനിടെ യുവാവിനെ കുത്തിക്കൊന്നു; ഭാര്യമാർ അറസ്റ്റിൽ 

പട്‌ന: തർക്കത്തിനിടെ ഭാര്യമാർ യുവാവിനെ കുത്തിക്കൊന്നു. ബിഹാര്‍ ഛാപ്ര സ്വദേശിയായ ആലംഗീര്‍ അന്‍സാരി(45)യാണ് മരിച്ചത്. സംഭവത്തിൽ ആലംഗീറിന്റെ ആദ്യ ഭാര്യ സൽമയെയും രണ്ടാം ഭാര്യ ആമിനയെയും പൊലീസ് അറസ്റ്റ് ചെയ്‌തു.

ഡൽഹിയിൽ താമസിച്ച് ജോലി ചെയ്യുന്ന ആലം​ഗീർ 10 വർഷം മുൻപാണ് സൽമയെ വിവാഹം ചെയ്യുന്നത്. ഇരുവർക്കുമിടയിലെ ദാമ്പത്യപ്രശ്‌നങ്ങളെ തുടർന്ന് സൽമ വളരെക്കാലമായി ഭർത്താവിൽ നിന്നും പിരിഞ്ഞു താമസിക്കുകയായിരുന്നു. ആറ് മാസം മുൻപ് ആലം​ഗീർ ആമിനയെ രണ്ടാം വിവാഹം ചെയ്‌തു.

ഇതിനിടെ ഡൽഹിയിലെത്തിയ സൽമ ആമിനയെ കാണുകയും ഇരുവരും ആലം​ഗീറിനൊപ്പം താമസിക്കാനും തുടങ്ങി. ബക്രീദ് ആഘോഷങ്ങള്‍ക്കായി ആലംഗീര്‍ ബിഹാറിലേക്ക് പോയതിന് പിന്നാലെ ഭാര്യമാരും നാട്ടിലെത്തി. കഴിഞ്ഞ ദിവസം മൂന്നു പേരും തമ്മിലുണ്ടായ വാക്കു തർക്കമാണ് പിന്നീട് കത്തിക്കുത്തിൽ കലാശിച്ചത്. ​ഗുരുതരമായി പരിക്കേറ്റ യുവാവിനെ ആദ്യം പ്രാഥമികാരോ​ഗ്യ കേന്ദ്രത്തിൽ എത്തിച്ചെങ്കിലും നില വഷളായതിനെ തുടർന്ന് മെഡിക്കൽ കോളജിലേക്ക് കൊണ്ടുപോയി.

ആശുപത്രിയിലേക്കുള്ള യാത്രാ മധ്യേയാണ് മരണം സംഭവിച്ചതെന്ന് പൊലീസ് പറഞ്ഞു. സംഭവത്തിൽ പ്രതികളുടെ അറസ്റ്റ് പൊലീസ് രേഖപ്പെടുത്തി. അന്വേഷണം പുരോ​ഗമിക്കുകയാണെന്നും പൊലീസ് പറഞ്ഞു.

ഈ വാര്‍ത്ത കൂടി വായിക്കൂ 

ഇതുവരെ വന്നത് 46 ലക്ഷം!; ഏകസിവില്‍ കോഡില്‍ നിയമ കമ്മിഷനിലേക്കു 'പ്രതികരണ പ്രളയം'

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ