മദ്യലഹരിയില്‍ സിംഹത്തിന് അരികില്‍ യുവാവ്, ഒടുവില്‍- വീഡിയോ 

വന്യമൃഗങ്ങളുടെ അടുത്ത് പോകരുത് എന്ന് അധികൃതര്‍ ആവര്‍ത്തിച്ച് പറയുന്ന മുന്നറിയിപ്പ് ആണ്. പലരും ഇത് പാലിക്കാതെ, അപകടത്തില്‍ ചെന്നുവീണ നിരവധി സംഭവങ്ങള്‍ ഉണ്ടായിട്ടുണ്ട്. വന്യമൃഗങ്ങള്‍ ഏത് രീതിയിലാണ് പെരുമാറുക എന്ന് അറിയാന്‍ സാധിക്കാത്തത് കൊണ്ടാണ് വന്യമൃഗങ്ങളുടെ അരികിലേക്ക് പോകരുതെന്ന് വനംവകുപ്പ് മുന്നറിയിപ്പ് നല്‍കാന്‍ കാരണം.

ഇപ്പോള്‍ സിംഹത്തിന്റെ കൂട്ടില്‍ അതിക്രമിച്ച് കയറി അതിസാഹസികത കാണിക്കാന്‍ ശ്രമിച്ച യുവാവിന്റെ 'വിവരക്കേടിന്റെ' ദൃശ്യങ്ങളാണ് വൈറലാകുന്നത്. സുശാന്ത നന്ദ ഐഎഫ്എസ് ആണ് വീഡിയോ പങ്കുവെച്ചത്. എവിടെയാണ് സംഭവം നടന്നത് എന്ന് അറിയില്ല.

മദ്യലഹരിയിലാണ് യുവാവ് സിംഹത്തിന്റെ കൂട്ടില്‍ അതിക്രമിച്ച് കയറിയത്. ഭാഗ്യം കൊണ്ട് മാത്രമാണ് സിംഹം യുവാവിനെ ആക്രമിക്കാതെ വിട്ടത്. മദ്യലഹരിയില്‍ എന്തുംചെയ്യാമെന്ന തോന്നലാണ് യുവാവിനെ കൊണ്ട് സിംഹക്കൂട്ടില്‍ കയറാന്‍ പ്രേരിപ്പിച്ചതെന്നും സുശാന്ത നന്ദ എക്‌സില്‍ കുറിച്ചു.

യുവാവിന്റെ അടുത്ത് വന്ന സിംഹം തുടക്കത്തില്‍ ആക്രമിക്കാന്‍ മുതിര്‍ന്നെങ്കിലും പിന്നീട് ആക്രമിക്കാതെ വെറുതെ വിടുകയായിരുന്നു. എന്തുകൊണ്ട് സിംഹം ആക്രമിച്ചില്ല എന്ന സംശയം ഉയരുമ്പോഴും ആക്രമിക്കാതിരുന്നത് കൊണ്ട് മാത്രമാണ് യുവാവിന് ജീവന്‍ തിരിച്ചുകിട്ടിയത്.

ഈ വാര്‍ത്ത കൂടി വായിക്കൂ

ഇരട്ടത്തലയുള്ള പാമ്പിന്‍ കുഞ്ഞ്- വൈറല്‍ വീഡിയോ 

  സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ