മൂന്ന് മക്കള്‍ക്ക് എലിവിഷം കലര്‍ത്തിയ ഐസ്‌ക്രീം നല്‍കി; അഞ്ച് വയസുകാരന്‍ മരിച്ചു, അച്ഛന്‍ അറസ്റ്റില്‍ 

മുംബൈ: അച്ഛന്‍ എലിവിഷം കലര്‍ത്തി നല്‍കിയ ഐസ്‌ക്രീം കഴിച്ച് മകന്‍ മരിച്ചു. അഞ്ച് വയസുകാരന്‍ അലിഷാന്‍ ആണ് മരിച്ചത്. മുഹമ്മദ്ദലി നൗഷാദ് എന്നയാളാണ് തന്റെ മൂന്ന് മക്കള്‍ക്കും എലിവിഷം കലര്‍ത്തിയ ഐസ്‌ക്രീം നല്‍കിയത്. ഏഴ് വയസുള്ള അലീനയും രണ്ട് വയസുകാരന്‍ അര്‍മാനും ആശുപത്രിയില്‍ ചികിത്സയിലാണ്. 

വീട്ടില്‍ വഴക്കുണ്ടായതിന് പിന്നാലെയാണ് ഇയാള്‍ കുട്ടികളെ വിഷം നല്‍കി കൊല്ലാന്‍ ശ്രമിച്ചത്. ഇയാളുടെ ഭാര്യയാണ് പരാതി നല്‍കിയതെന്ന് പൊലീസ് പറഞ്ഞു. നൗഷാദിനെ അറസ്റ്റ് ചെയ്‌തെന്നും സംങവത്തില്‍ വിശദമായ അന്വേഷണം നടക്കുകയാണെന്നും പൊലീസ് അറിയിച്ചു.