ടിക്കറ്റെടുക്കാൻ പണമില്ല, ട്രെയിനിനടിയിൽ അള്ളിപ്പിടിച്ച് യുവാവ് യാത്ര ചെയ്തത് 250 കിലോമീറ്റർ

ജബൽപുർ: ട്രെയിനിനടിയിൽ തൂങ്ങിക്കിടന്ന് 250 കിലോമീറ്ററോളം യാത്ര ചെയ്ത് യുവാവ്. പൂനെ-ധനാപൂർ എക്‌സ്‌പ്രസിൽ ഇറ്റാർസിയിൽ നിന്ന് ജബൽപൂരിലേക്കാണ് ഇയാൾ യാത്ര ചെയ്തത്. ഡിസംബർ 24 നാണ് സംഭവം.

ട്രെയിന്‍ അവസാന സ്റ്റോപ്പായ ജബല്‍പുര്‍ അതിര്‍ത്തിയോട് അടുക്കുമ്പോഴാണ് എസ്4 കോച്ചിനടിയില്‍ തൂങ്ങിക്കിടന്ന യുവാവ് ട്രാക്ക് നിരീക്ഷിക്കുന്ന ജീവനക്കാരുടെ കണ്ണിൽപ്പെട്ടത്.

പ്രത്യേക സ്മാരകമെന്ന കോൺ​ഗ്രസ് ആവശ്യം തള്ളി; മൻമോഹൻ സിങ്ങിന്റെ സംസ്കാരം നി​ഗംബോധ്ഘട്ടിൽ

ഉടൻ തന്നെ റെയിൽവെ ജീവനക്കാർ വയർലെസ് കമ്മ്യൂണിക്കേഷൻ വഴി ലോക്കോ പൈലറ്റിനെ അറിയിക്കുകയും ട്രെയിൻ നിർത്തുകയും ചെയ്തു. പിന്നീട് ഇയാളെ പിടികൂടി പൊലീസ് ഉദ്യോഗസ്ഥർക്ക് കൈമാറി. റെയിൽവെ ജീവനക്കാർ ചോദ്യം ചെയ്തപ്പോൾ ടിക്കറ്റിന് പണമില്ലാത്തതിനാലാണ് ഈ രീതിയിൽ യാത്ര ചെയ്തതെന്നാണ് യുവാവ് മറുപടി നൽകിയത്. ഇയാൾ മാനസിക പ്രശ്നമുള്ള ആളാണെന്നാണ് സൂചന. സംഭവത്തിന്റെ വിഡിയോ സോഷ്യൽമീഡിയിയൽ പ്രചരിക്കുന്നുണ്ട്.