ടൊറന്റോ: കാനഡയില്‍ സൈക്കിളില്‍ റോഡ് മുറിച്ചു കടക്കുന്നതിനിടെ അപകടത്തിൽപ്പെട്ട് ഇന്ത്യന്‍ വിദ്യാര്‍ത്ഥി മരിച്ചു. ഹരിയാന സ്വദേശിയായ 20കാരനായ വിദ്യാര്‍ത്ഥിയാണ് മരിച്ചത്. പിക്ക് അപ്പ് ട്രക്ക് ഇടിച്ചാണ് അപകടം. 

ടൊറന്റോയിൽ യോങ് സ്ട്രീറ്റും സെന്റ് അവന്യൂവും ചേരുന്ന ജംഗ്ഷനില്‍ വെച്ചാണ് അപകടമുണ്ടായത്. കാര്‍ത്തിക് സെയ്‌നി എന്ന 20കാരനാണ് മരിച്ചതെന്നാണ് റിപ്പോർട്ടുകൾ. കഴിഞ്ഞ വർഷം ഓ​ഗസ്റ്റിലാണ് സെയ്‌നി കാനഡയിലെത്തിയത്. അതേസമയം മരിച്ച വിദ്യാർത്ഥിയെ കുറിച്ചുള്ള വിവരങ്ങള്‍ പൊലീസ് പുറത്തുവിട്ടിട്ടില്ല.

ട്രക്ക് വലത്തേക്ക് തിരിക്കുന്നതിനിടെയാണ് വിദ്യാര്‍ത്ഥി സഞ്ചരിച്ച സൈക്കിളിലിടിച്ചത്. തുടര്‍ന്ന് സൈക്കിളും വിദ്യാര്‍ത്ഥിയെയും വലിച്ചുകൊണ്ട് ട്രക്ക് മുന്നോട്ടുപോയെന്നാണ് പൊലീസ് അറിയിച്ചത്. സംഭവത്തില്‍ അന്വേഷണം പുരോഗമിക്കുകയാണ്. 

ഈ വാര്‍ത്ത കൂടി വായിക്കൂ‌ 

ടീച്ചർ 'കള്ളി' എന്ന് വിളിച്ചു; സ്‌കൂള്‍ കെട്ടിടത്തില്‍ നിന്ന് ചാടി വിദ്യാര്‍ത്ഥിനി

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ