മോദി സഞ്ചരിച്ച ഹെലികോപ്റ്ററിന്റെ അരികിലേക്ക് കറുത്ത ബലൂണുകള്‍, സുരക്ഷാവീഴ്ച?- വീഡിയോ 

ന്യൂഡല്‍ഹി: പ്രധാനമന്ത്രി നരേന്ദ്രമോദിയുടെ ആന്ധ്രാ സന്ദര്‍ശന വേളയില്‍ സുരക്ഷാ വീഴ്ചയെന്ന് റിപ്പോര്‍ട്ട്. മോദി സഞ്ചരിച്ച ഹെലികോപ്റ്ററിന് അരികിലേക്ക് പ്രതിഷേധക്കാര്‍ കറുത്ത ബലൂണുകള്‍ പറത്തി.

വിജയ് വാഡയില്‍ നിന്ന് മോദിയുടെ ഹെലികോപ്റ്റര്‍ പറന്നുയര്‍ന്ന സമയത്താണ് പ്രതിഷേധക്കാര്‍ കറുത്ത ബലൂണുകള്‍ പറത്തിയത്. കോണ്‍ഗ്രസ് പ്രവര്‍ത്തകരാണ് ഇതിന് പിന്നിലെന്നാണ് റിപ്പോര്‍ട്ടുകള്‍. 

ഹെലികോപ്റ്റര്‍ പറന്നുയര്‍ന്ന വിമാനത്താവളത്തില്‍ കോണ്‍ഗ്രസ് പ്രവര്‍ത്തകര്‍ പ്രതിഷേധിച്ചിരുന്നു. മോദിക്കെതിരെ മുദ്രാവാക്യം വിളിക്കുകയും കറുത്ത ബലൂണുകളും പ്ലക്കാര്‍ഡുകളുമേന്തി പ്രതിഷേധിക്കുകയും ചെയ്തതായാണ് റിപ്പോര്‍ട്ടുകള്‍.

ഈ വാർത്ത കൂടി വായിക്കാം  

മഹാരാഷ്ട്രയില്‍ ഇന്ധനവില കുറയ്ക്കുമെന്ന് ഏക്‌നാഥ് ഷിന്‍ഡെ

സമകാലിക മലയാളം ഇപ്പോള്‍ വാട്ടസ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ