പാമ്പ് എന്ന് കേള്‍ക്കുമ്പോള്‍ തന്നെ ഭയപ്പെടുന്നവരാണ് ഭൂരിഭാഗം ആളുകളും. പാമ്പിനെ നേരിട്ട് കണ്ടാലോ, പറയുകയും വേണ്ട!. ഇപ്പോള്‍ പാത്രത്തില്‍ കുടുങ്ങിയ പാമ്പിന്റെ ദൃശ്യമാണ് വൈറലാകുന്നത്.

ചെറിയ ദ്വാരങ്ങളില്‍ പാമ്പുകള്‍ കയറുന്നത് സ്വാഭാവികമാണ്. എന്നാല്‍ ഇവിടെ പാത്രത്തിനുള്ളിലേക്ക് തലയിട്ട പാമ്പ് പുറത്തിറങ്ങാനാവാതെ കുടുങ്ങുകയായിരുന്നു. പാത്രത്തില്‍ കുടുങ്ങിയ പാമ്പിനെ ഏറെ നേരത്തെ പരിശ്രമത്തിനൊടുവിലാണ് പുറത്തെടുത്തത്. 

ദൃശ്യം യൂട്യൂബിലൂടെ പങ്കുവച്ചത് വൈറല്‍ഹോഗാണ്. ഇന്ത്യയിലാണ് സംഭവം നടന്നത്. എവിടെയാണ് നടന്നത് എന്ന കാര്യം വ്യക്തമല്ല. പാത്രത്തിന്റെ വശങ്ങള്‍ ഏറെ ശ്രദ്ധയോടെ മുറിച്ച് മാറ്റിയ ശേഷമാണ് പാമ്പിനെ പുറത്തെത്തിച്ചത്. അപ്പോഴേക്കും പാമ്പ് അവശനിലയിലായിരുന്നു. ഇഴയാനാകാതെ അവശനിലയില്‍ പാമ്പ് കിടക്കുന്നത് വീഡിയോയില്‍ വ്യക്തമാണ്. ഇടയ്ക്ക് വെള്ളം കൊടുക്കാന്‍ ശ്രമിക്കുന്നുണ്ടെങ്കിലും അവശ നിലയിലായ പാമ്പിന് അതിന് സാധിക്കുന്നില്ല.