തമിഴ്‌നാട് ലോക്ക്ഡൗണ്‍ ഓഗസ്റ്റ് 9വരെ നീട്ടി

ചെന്നൈ: കോവിഡ് വ്യാപനത്തിന്റെ പശ്ചാത്തലത്തില്‍ തമിഴ്‌നാട്ടില്‍ ലോക്ക്ഡൗണ്‍ ഓഗസ്റ്റ് 9 വരെ നീട്ടിയതായി മുഖ്യമന്ത്രി എംകെ സ്റ്റാലിന്‍. സര്‍ക്കാര്‍ ഉത്തരവ് പ്രകാരം മദ്യഷോപ്പുകള്‍. ബാര്‍, ഹോട്ടല്‍ ക്ലബ്ബുകള്‍ എന്നിവ അടഞ്ഞുകിടക്കും. നേരത്തെ സംസ്ഥാനത്ത് ജൂലായ് 31 വരെ ലോക്ക് ഡൗണ്‍ ഏര്‍പ്പെടുത്തിയിരുന്നു.

ഷോപ്പുകള്‍ 9 മണിവരെ തുറന്ന് പ്രവര്‍ത്തിക്കാന്‍ അനുമതിയുണ്ട്. നേരത്തെ ഇത് എട്ടുമണിവരെയായിരുന്നു. ഹോട്ടലുകള്‍, ടീ സ്റ്റാളുകള്‍, ബേക്കറികള്‍, തട്ടുകടകകള്‍ എന്നിവ പകുതി പേരെ പ്രവേശിപ്പിച്ച് രാത്രി 9 വരെ പ്രവര്‍ത്തിക്കാമെന്നും ഉത്തരവില്‍ പറയുന്നു. വിവാഹത്തിന് പരമാവധി 50 പേര്‍ക്കും മരണാനന്തര ചടങ്ങുകള്‍ക്ക് 20 പേര്‍ക്കുമാണ് പങ്കെടുക്കാന്‍ അനുമതി. ഐടിഐ, ഇന്‍ഡസ്ട്രിയല്‍ സ്‌കൂള്‍, ടൈപ്പ് റൈറ്റിംഗ് കേന്ദ്രങ്ങള്‍ എന്നിവയ്ക്ക് 50 പേരെ പങ്കെടുപ്പിച്ച് കൊണ്ട് ഇടവേളകളോടെ പ്രവര്‍ത്തിക്കാം.