ഐഎസ്ആര്‍ഒ കേന്ദ്രത്തില്‍ തീ പിടിത്തം; ആളപായമില്ല

അഹമ്മദാബാദ്: ഐഎസ്ആര്‍ഒയുടെ അഹമ്മദാബാദിലെ കേന്ദ്രത്തില്‍ തീ പിടിത്തമുണ്ടായതായി റിപ്പോര്‍ട്ടുകള്‍. സ്റ്റേഷനറി സാധനങ്ങള്‍ സൂക്ഷിച്ചിരുന്ന മുറിയില്‍ നിന്നുമാണ് തീ പടര്‍ന്നത്. അപകടത്തിന്റെ കൃത്യമായ കാരണങ്ങള്‍ അറിവായിട്ടില്ല.

അഗ്നിശമന സേനയുടെ അഞ്ച് വാഹനങ്ങള്‍ തീയണയ്ക്കുന്നതിനായി സ്ഥലത്തുണ്ടെന്ന് ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നു. ആളപായമില്ല. 

 മാസങ്ങള്‍ക്ക് മുമ്പും ഇവിടെ തീപിടിത്തമുണ്ടായിരുന്നു. ഉപഗ്രങ്ങള്‍ക്കാവശ്യമായ പേ ലോഡുകള്‍ തയ്യാറാക്കുന്ന കേന്ദ്രമാണ് അഹമ്മദാബാദിലുള്ളത്. വിക്രം സാരാഭായാണ് ഇവിടെയുള്ള കേന്ദ്രം സ്ഥാപിച്ചത്.