ന്യൂഡല്‍ഹി: ജീവനക്കാരന് കോവിഡ് സ്ഥിരീകരിച്ചതിന് പിന്നാലെ പാര്‍ലിമെന്റിന്റെ രണ്ട് നിലകള്‍ അടച്ചു. രാജ്യസഭയിലെ സെക്രട്ടേറിയറ്റ് ഓഫീസര്‍ക്കാണ് കോവിഡ് 19 സ്ഥിരീകരിച്ചത്. ഇദ്ദേഹത്തിന്റെ പരിശോധനാ ഫലം പോസിറ്റീവായിരുന്നു. ഇതോടെയാണ് രണ്ട് നിലകള്‍ അടയ്ക്കാന്‍ തീരുമാനിച്ചത്.

രാജ്യസഭാ സെക്രട്ടേറിയറ്റിലെ മുതിര്‍ന്ന ഓഫീസര്‍ക്കാണ് ഇപ്പോള്‍ കോവിഡ് സ്ഥിരീകരിച്ചിരിക്കുന്നത്. ഇന്നലെയാണ് പരിശോധന നടത്തിയത്. ഇദ്ദേഹത്തിന്റേയും കുടുംബത്തില്‍ എല്ലാവരുടേയും പരിശോധനാ ഫലം പോസിറ്റീവായിരുന്നു.

പാര്‍ലിമെന്റ് സമുച്ചയത്തില്‍ ജോലി ചെയ്യുന്ന നാലാമത്തെ വ്യക്തിക്കാണ് ഇപ്പോള്‍ കോവിഡ് സ്ഥിരീകരിച്ചത്. രണ്ടാം ലോക്ക്ഡൗണ്‍ തീര്‍ന്നതിന് പിന്നാലെ പാര്‍ലിമെന്റിന്റെ പ്രവര്‍ത്തനം മെയ് മൂന്ന് മുതല്‍ പുനാരരംഭിച്ചിരുന്നു.