ഗൊരഖ്പൂര്‍: യോഗി ആദിത്യനാഥിന്റെ യുപിയില്‍ പൂവാല ശല്യം ചോദ്യം ചെയ്തതിന് യുവതിക്ക് നേരെ ആക്രമണം. കൂട്ടമായി എത്തിയ ഒരു സംഘമാണ് യുവതിയെയും കുടുംബത്തെയും ക്രൂരമായി മര്‍ദ്ദിക്കുന്നത്. 

വീടിന് നേരെ കല്ലെറിഞ്ഞതിനെതിരെ യുവതി വിട്ടീല്‍ നിന്ന് ഇറങ്ങിവന്ന് ചോദ്യം ചെയ്തപ്പോള്‍ കൂട്ടത്തിലുള്ള ഒരാള്‍ യുവതിയെ ക്രൂരമായി മര്‍ദ്ദിക്കുകയായിരുന്നു. തുടര്‍ന്ന് വീട്ടില്‍ നിന്നിറങ്ങിയ മറ്റ് അംഗങ്ങളെയും ആളുകള്‍ ക്രൂരമായി മര്‍ദ്ദിക്കുന്നതായി സിസി ടിവി ദൃശ്യങ്ങള്‍ വ്യക്തമാക്കുന്നു. കൂട്ടമായി എത്തിയവര്‍ സുഹൃത്തുക്കളാണെന്ന് വ്യക്തമാക്കുന്നതാണ് വീഡിയോ ദൃശ്യങ്ങള്‍. സംഭവത്തില്‍ യുവാക്കള്‍ക്കെതിരെ യുവതിയുെട ബന്ധുക്കള്‍ പൊലീസില്‍ പരാതി നല്‍കിയിട്ടുണ്ട്.