ഭോപ്പാൽ: ഭോപ്പാലിൽ ദൃശ്യമാധ്യമ പ്രവർത്തകന് കോവിഡ് സ്ഥിരീകരിച്ചു. മധ്യപ്രദേശിലെ ബൻസാൽ ന്യൂസിലെ റിപ്പോർട്ടർക്കാണ് കോവിഡ് പരിശോധനാ ഫലം പോസിറ്റീവ് ആയത്.

കോവിഡ് സ്ഥിരീകരിച്ച പൊലീസ് ഉദ്യോഗസ്ഥനെ ഈ മാധ്യമ പ്രവർത്തകൻ നേരത്തെ കണ്ടിരുന്നു. ഇത് വഴിയാണ് വൈറസ് ബാധ ഉണ്ടായതെന്നാണ് കരുതുന്നത്. നേരത്തെയും ഭോപ്പാലിൽ ഒരു മാധ്യമ പ്രവർത്തകന് കോവിഡ്  സ്ഥിരീകരിച്ചിരുന്നു. അതിനിടെ മധ്യപ്രദേശിൽ ഒരു കോവിഡ്  മരണം കൂടി സ്ഥിരീകരിക്കുകയും ചെയ്തിട്ടുണ്ട്.