അമ്മയുമായുള്ള സൗഹൃദം മുതലെടുത്തു, വീട്ടിലെത്തിക്കാമെന്ന് പറഞ്ഞ് കൂട്ടിക്കൊണ്ടുപോയി 14കാരിയെ പീഡിപ്പിച്ചു: അറസ്റ്റ്

തിരുവനന്തപുരം: പ്രായപൂർത്തിയാകാത്ത പെൺകുട്ടിയെ പീഡിപ്പിച്ച കേസിൽ യുവാവ് അറസ്റ്റിൽ. ആലപ്പുഴ നീലംപേരൂർ മണപ്പെട്ടി വീട്ടിൽ ഷിജുകൃഷ്ണനാണ് (45) അറസ്റ്റിലായത്. അമ്മയുമായുള്ള സൗഹൃദം മുതലെടുത്തായിരുന്നു പീഡനം. 

പെൺകുട്ടിയുടെ അമ്മയുമായി സൗഹൃദത്തിലായിരുന്നു പ്രതി. പെൺകുട്ടിയെ ചീമേനിയിൽ നിന്നും വീട്ടിലെത്തിക്കാമെന്ന് പറഞ്ഞു വിശ്വസിപ്പിച്ച് തിരൂരിൽ എത്തിച്ചാണ് പീഡനത്തിന് ഇരയാക്കിയത്. സംഭവം ആരോടും പറയരുതെന്ന് ഭീഷണിപ്പെടുത്തിയ പ്രതി കുട്ടിയെ തിരികെ വീട്ടിലെത്തിച്ചു. തുടർന്ന് കുട്ടി വിവരം പൊലീസിൽ അറിയിക്കുകയായിരുന്നു. 

പൊലീസ് അന്വേഷണം ആരംഭിച്ചതിനു പിന്നാലെ  പ്രതി ഒളിവിൽ പോയി. തിരുവനന്തപുരം റൂറൽ ജില്ല പൊലീസ് മേധാവി ഡി. ശിൽപക്ക് ലഭിച്ച രഹസ്യ വിവരത്തിന്‍റെ അടിസ്ഥാനത്തിൽ പൊലീസ് പ്രതിയെ കിളിമാനൂർ സി.ഐയുടെ നേതൃത്വത്തിലുള്ള പൊലീസ് അറസ്റ്റ് ചെയ്യുകയായിരുന്നു. കോടതിയിൽ ഹാജരാക്കി റിമാൻ്റ് ചെയ്തു.

ഈ വാര്‍ത്ത കൂടി വായിക്കൂ

ചെറുതോണി അണക്കെട്ടില്‍ സുരക്ഷാ വീഴ്ച: ഡാമില്‍ കയറി യുവാവ് ഹൈമാസ്റ്റ് ലൈറ്റിന് ചുവട്ടിൽ താഴിട്ടുപൂട്ടി, കെഎസ്ഇബിയുടെ പരാതിയില്‍ കേസ്

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ