മൊബൈല്‍ കടയില്‍ നിന്ന് 5 ഫോണുകള്‍ മോഷ്ടിച്ചു; 14കാരന്‍ അറസ്റ്റില്‍
നഗരമധ്യത്തിലെ മൊബൈല്‍ കടയില്‍നിന്ന് 5 മൊബൈല്‍ ഫോണുകള്‍ മോഷ്ടിച്ച പതിനാലുകാരന്‍ പിടിയില്‍
പ്രതീകാത്മക ചിത്രം
Last Updated :20 January 2024, 9:20 am IST
കോഴിക്കോട്: നഗരമധ്യത്തിലെ മൊബൈല്‍ കടയില്‍നിന്ന് 5 മൊബൈല്‍ ഫോണുകള്‍ മോഷ്ടിച്ച പതിനാലുകാരന്‍ പിടിയില്‍. കഴിഞ്ഞ 15ന് പുലര്‍ച്ചെ മാവൂര്‍ റോഡില്‍ ഷറാറ ബില്‍ഡിങ്ങിലെ മൊബൈല്‍ കടയില്‍നിന്നാണ് 65,000 രൂപയോളം വില വരുന്ന 5 മൊബൈല്‍ ഫോണുകളും ക്യാഷ് കൗണ്ടറില്‍ സൂക്ഷിച്ച പണവും മോഷണം പോയത്.
രാത്രിയില്‍ നഗരത്തിലൂടെ ഇരുചക്രവാഹനത്തില്‍ കറങ്ങുന്ന കുട്ടികളെക്കുറിച്ചു ലഭിച്ച വിവരമാണ് അന്വേഷണത്തില്‍ വഴിത്തിരിവായത്. മോഷണക്കേസില്‍ ജയിലില്‍നിന്ന് ഇറങ്ങിയ പ്രതികളെ കേന്ദ്രീകരിച്ച് രാത്രികാല അന്വേഷണം നടത്തിവരികയായിരുന്നു. ഡെപ്യൂട്ടി പൊലീസ് കമ്മീഷണര്‍ കെഇ ബൈജുവിന്റെ നേതൃത്വത്തിലുള്ള സിറ്റി ക്രൈം സ്്ക്വാഡും കസബ ഇന്‍സ്‌പെക്ടര്‍ എന്‍ പ്രജീഷും രാത്രിയില്‍ നഗരത്തില്‍ കറങ്ങുന്ന മുന്‍കാല കുറ്റവാളികള്‍ക്കായി രാത്രികാല പട്രോളിങ് നടത്തിയിരുന്നു.
ഇതിനിടെയാണ് രാത്രിയില്‍ കുട്ടികള്‍ ഇരുചക്രവാഹനങ്ങളില്‍ കറങ്ങുന്നതു സംബന്ധിച്ച വിവരം ലഭിച്ചത്. സമാനമായ കേസില്‍ പിടിക്കപ്പെട്ട കുട്ടിയെ കേന്ദ്രീകരിച്ച് വിശദമായ പരിശോധന നടത്തുകയായിരുന്നു. തുടര്‍ന്നാണ് മോഷണം നടത്തിയത് പതിനാലുവയസ്സുകാരനാണെന്ന് കണ്ടെത്തിയത്. മോഷ്ടിച്ച ഫോണുകള്‍ കസബ പൊലീസ് കണ്ടെടുത്തു.
ഈ വാര്‍ത്ത കൂടി വായിക്കൂ സ്‌കൂള്‍ കെട്ടിടങ്ങള്‍ക്ക് ഫിറ്റ്നസ് സര്‍ട്ടിഫിക്കറ്റ് ഉറപ്പാക്കണം; നിര്‍ദേശങ്ങളുമായി മുഖ്യമന്ത്രി
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
News Now
കുളത്തിലെ ചെങ്കൽ പടവിൽ വീണ് രണ്ടാം ക്ലാസുകാരി മരിച്ചു
Jantar Mantar Protest: സിജെപി വാർത്താ സമ്മേളനം ഉച്ചക്ക് രണ്ടിന്
'ഒരു വര്‍ഷത്തേക്ക് സമാധാന ലംഘനം പാടില്ല'; അഭിജിത് ദീപ്‌കെ അടക്കമുള്ള സിജെപി നേതാക്കളെ വിട്ടയച്ച് കോടതി
സുപ്രീം കോടതിയിലുള്ള പ്രതീക്ഷ നഷ്ടപ്പെട്ടു; ഇനി സമീപിച്ചിട്ട് കാര്യമില്ലെന്ന് കപിൽ സിബൽ
