71 പേര്‍ക്ക് കോവിഡ്; കൊല്ലം ശക്തികുളങ്ങര ഹാര്‍ബര്‍ അടച്ചു

കൊല്ലം: കൊല്ലം ശക്തികുളങ്ങര ഫിഷിങ് ഹാര്‍ബര്‍ അടച്ചു. 71 പേര്‍ക്ക് കോവിഡ് സ്ഥിരീകരിച്ചതിനെ തുടര്‍ന്നാണ് ഹാര്‍ബര്‍ അടച്ചത്.

ജില്ലയില്‍ ഇന്ന് 633 പേര്‍ക്ക് കോവിഡ് രോഗം സ്ഥിരീകരിച്ചത്.. ഇതരസംസ്ഥാനങ്ങളില്‍ നിന്നുമെത്തിയ 5 പേര്‍ക്കും, സമ്പര്‍ക്കം മൂലം 620 പേര്‍ക്കും, ഉറവിടം വ്യക്തമല്ലാത്ത 7 പേര്‍ക്കും, ഒരു ആരോഗ്യപ്രവത്തകയ്ക്കും രോഗം സ്ഥിരീകരിച്ചു. ജില്ലയില്‍ ഇന്ന് 213 പേര്‍  രോഗമുക്തി നേടി.
 
കൊല്ലം കുരീപ്പുഴ  സ്വദേശിനി തങ്കമ്മ (67),  പരവൂര്‍ സ്വദേശി മോഹനന്‍ (62), കരുനാഗപ്പള്ളി സ്വദേശി സലീം (55) എന്നിവരുടെ  മരണം കോവിഡ് മൂലമാണെന്ന് സ്ഥിരീകരിച്ചു.