ഇന്നോവ കാർ ഇടിച്ച് ​ഗുരുതര പരിക്ക്; യുവാവിന് ഒരു കോടി രൂപ നഷ്ടപരിഹാരം 

​കോഴിക്കോട്: താമരശ്ശേരി തച്ചംപൊയിലില്‍ ഇന്നോവ കാറിടിച്ച് ​ഗുരുതരമായി പരിക്കേറ്റ് കിടപ്പിലായ യുവാവിന് നഷ്‌ടപരിഹാരം. 1,12,38,453 രൂപയാണ് നഷ്‌ടപരിഹാര തുകയായി കോഴിക്കോട്  അഡീഷണല്‍ ഡിസ്ട്രിക് കോർട്ട് -3 വിധിച്ചത്.

2019 നവംബർ ഒന്നിന് രാത്രി 11.40 ഓടെ റോഡരിൽ നിൽക്കുകയായിരുന്ന താമരശ്ശേരി തച്ചംപൊയിൽ പുതിയാറമ്പത്ത് മുജീബ് റഹ്‌മാനെ അലക്ഷ്യമായി വന്ന ഇന്നോവ കാർ ഇടിച്ചുതെറുപ്പിക്കുകയായിരുന്നു.  

മുജീബിന് നഷ്ടപരിഹാരമായ 81,33,000 രൂപയും അതിന്‍റെ എട്ട് ശതമാനം പലിശയും കോടതി ചെലവുമടക്കം 1,12,38,453 രൂപ നൽകണമെന്നാണ് വിധി. എതിർകക്ഷിയായ നാഷണൽ ഇൻഷ്യുറൻസ് കമ്പനിയാണ് നഷ്ടപരിഹാരം നൽകേണ്ടത്. ഇലക്ട്രീഷ്യനായിരുന്ന മുജീബ് ഇപ്പോഴും കിടപ്പിലാണ്.

ഈ വാര്‍ത്ത കൂടി വായിക്കൂ 

''വിജയാ, വാ കയറിയിരിക്ക്', ശരിക്കും ഞെട്ടിപ്പോയി; ഇനിയുണ്ടാകുമോ അതുപോലൊരു നേതാവ്?'

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ