നിർത്തിയിട്ട ലോറിയിൽ കാർ ഇടിച്ച് രണ്ടു പേർ മരിച്ചു; അപകടം മൂകാംബിക ക്ഷേത്ര ദർശനം കഴിഞ്ഞ് മടങ്ങുന്നതിനിടെ

കണ്ണൂർ; നിർത്തിയിട്ട ലോറിയിൽ കാറിടിച്ചു രണ്ടു പേർ മരിച്ചു. കാർ യാത്രക്കാരായ ചിറക്കൽ അലവിലെ പ്രജുൽ (34) പൂർണിമ (30) എന്നിവരാണ് മരിച്ചത്. ഇവർക്കൊപ്പം കാറിലുണ്ടായിരുന്ന 2 പേർക്ക് പരുക്കേറ്റു. കണ്ണൂർ പാപ്പിനിശ്ശേരി -പിലാത്തറ കെഎസ്ടിപി റോഡ് കെ.കണ്ണപുരം പാലത്തിനു സമീപം പുലർച്ചെ 2.30നായിരുന്നു അപകടം. 

മൂകാംബിക ക്ഷേത്രദർശനം കഴിഞ്ഞു പുലർച്ചെ നാട്ടിലേക്ക് മടങ്ങി വരുന്നതിനിടെയാണ് അപകടമുണ്ടായത്.  പരുക്കേറ്റവരെ കണ്ണൂർ എകെജി ആശുപത്രിയിൽ പ്രവേശിപ്പിച്ചു.