ബൈക്ക് വയലിലേക്ക് മറിഞ്ഞു; യുവാവ് മരിച്ചു

കോഴിക്കോട്; ബൈക്ക് വയലിലേക്കു മറിഞ്ഞ് യുവാവ് മരിച്ചു. ചേന്നമംഗലൂർ പുൽപറമ്പ് ആയിപ്പറ്റ മുനീഷ് റഹ്മാൻ (26) ആണ് മരണപ്പെട്ടത്. മുക്കം പൊറ്റശ്ശേരിയിലെ വയലിലേക്ക് ബൈക്ക് മറിയുകയായിരുന്നു. വെള്ളിയാഴ്ച വൈകിട്ട് അഞ്ചു മണിയോടെയായിരുന്നു അപകടം.

മണാശേരിയിൽ നിന്നും പുൽപ്പറമ്പിലേക്കു വരുമ്പോൾ, പൊറ്റശ്ശേരിയിൽ റോഡ് നിർമാണം നടക്കുന്ന ഭാഗത്തുവച്ച് ബൈക്ക് വയലിലേക്ക് മറിയുകയായിരുന്നു. മുനീഷിനെ ഉടൻതന്നെ മുക്കത്തെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മുക്കത്ത് സെൻട്രൽ ഡ്രൈവിങ് സ്കൂൾ ഉടമ മുജീബ് റഹ്മാന്റെ മകനാണ്.

ഈ വാർത്ത കൂടി വായിക്കൂ 

മുസ്‌ലിം ഭവനങ്ങൾ സന്ദർശിക്കാൻ തീരുമാനിച്ചിട്ടില്ല; കെ സുരേന്ദ്രൻ

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ