കോഴിക്കോട് ലീഗ് ഓഫീസിന് നേര്‍ക്ക് ബോംബേറ് ; കെട്ടിടം ഭാഗികമായി തകര്‍ന്നു

കോഴിക്കോട് :  കോഴിക്കോട് പേരാമ്പ്രയില്‍ മുസ്ലിം ലീഗ് ഓഫിസിന് നേരെ ബോംബേറ്. പുലര്‍ച്ചെ രണ്ട് മണിയോടെയായിരുന്നു ആക്രമണം.

വിളയാട്ടു കണ്ടിമുക്കില്‍ പ്രവര്‍ത്തിക്കുന്ന ലീഗ് ഓഫീസിന് നേര്‍ക്കാണ് ആക്രമണം ഉണ്ടായത്. ബോംബേറില്‍ ഓഫീസിന്റെ ജനല്‍ ചില്ലുകള്‍ തകര്‍ന്നു. 

രണ്ടു ബൈക്കുകളിലെത്തിയ സംഘമാണ് ആക്രമണം നടത്തിയതെന്നാണ് സിസിടിവി ദൃശ്യങ്ങളില്‍ നിന്നും വ്യക്തമാകുന്നതെന്ന് പൊലീസ് സൂചിപ്പിച്ചു. മേഖലയില്‍ ലീഗ്-സിപിഎം സംഘര്‍ഷം നിലനില്‍ക്കുന്നുണ്ട്. 

ഇതിന്റെ തുടര്‍ച്ചയാണോ ആക്രമണമെന്ന് പൊലീസ് പരിശോധിക്കുന്നുണ്ട്.