ഇന്ന് കോവിഡ് ബാധിച്ച് മരിച്ചത് 135 പേർ; പേരുവിവരങ്ങൾ പ്രസിദ്ധീകരിച്ചു 

തിരുവനന്തപുരം: കോവിഡ്​ ബാധിച്ച് മരിച്ചവരുടെ പേരുവിവരങ്ങൾ പ്രസിദ്ധീകരിച്ചു. കഴിഞ്ഞ 24 മണിക്കൂറിനുള്ളിൽ മരിച്ച 135 പേരുടെ വിവരങ്ങളാണ്​ പുറത്ത്​ വിട്ടത്​. മരിച്ചയാളുടെ ജില്ല, പേര്​, സ്ഥലം, വയസ്​, ജെൻഡർ, മരണ ദിവസം എന്നീ വിവരങ്ങളാണ്​ ഉൾപ്പെടുത്തിയിരിക്കുന്നത്​.

ഡി.എച്ച്​.എസ്​ വെബ്​സൈറ്റിൽ ജില്ലയുടെ അടിസ്ഥാനത്തിലാണ് കോവിഡ്​ ബാധിച്ച് മരിച്ചവരുടെ പേരും വയസ്സും സ്ഥലവുമടങ്ങുന്ന വിവരങ്ങൾ നൽകിയിരിക്കുന്നത്. ഇന്നത്തെ കോവിഡ്​ ബുള്ളറ്റിൻ മുതലാണ്​ പുതിയ ക്രമീകരണം. തുടക്കത്തിൽ പേരുകൾ പുറത്തു വിട്ടിരുന്നെങ്കിലും വിവാദമായതോടെ 2020 ഡിസംബർ മുതലാണ് പേരുകൾ ഉൾപ്പെടുത്താതായത്.