കണ്ണൂർ- ആലപ്പുഴ എക്സിക്യൂട്ടീവ് എക്സ്പ്രസ് ഷണ്ടിങിനിടെ പാളം തെറ്റി; വൈകി ഓടുന്നു

കണ്ണൂർ: കണ്ണൂർ- ആലപ്പുഴ (16308) എക്സിക്യൂട്ടീവ് എക്സ്പ്രസ് ട്രെയിനിന്റെ കോച്ചുകൾ പാളം തെറ്റി. ഷണ്ടിങിനിടെയാണ് ട്രെയിൻ പാളം തെറ്റിയത്. 

രാവിലെ സർവീസ് തുടങ്ങാനുള്ള ഒരുക്കങ്ങൾക്കിടെ കണ്ണൂർ യാർഡിൽ വെച്ചാണ് ട്രെയിനിന്റെ രണ്ട് കോച്ചുകൾ പാളം തെറ്റിയത്. ട്രെയിൻ പുറപ്പെടാനായി പ്ലാറ്റ്ഫോമിലേക്ക് മാറ്റുമ്പോഴായിരുന്നു അപകടം.

രാവിലെ 5.10നാണ് ട്രെയിൻ കണ്ണൂരിൽ നിന്നു പുറപ്പെടുന്നത്. എന്നാൽ ഇന്ന് 6.43 ഓടെയാണ് സർവീസ് ആരംഭിച്ചത്. പാളം തെറ്റിയ കോച്ചുകൾ ഒഴിവാക്കിയാണ് ട്രെയിൻ ഓടിത്തുടങ്ങിയത്. 

ഈ വാര്‍ത്ത കൂടി വായിക്കൂ

നവകേരള സദസിന്റെ വേദിയില്‍ മറ്റ് പരിപാടികള്‍ക്കുള്ള അനുമതി നിഷേധം തുല്യനീതിയുടെ ലംഘനം; ട്വന്റി 20യ്ക്ക് വേദി അനുവദിച്ച് ഹൈക്കോടതി

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ