റോഡ് മുറിച്ചു കടക്കുന്നതിനിടെ കാര്‍ ഇടിച്ച് നാല് വയസുകാരന്‍ മരിച്ചു

കോട്ടയം: റോഡ് മുറിച്ച് കടക്കുന്നതിനിടെ, കാര്‍ ഇടിച്ച് നാലു വയസുകാരന്‍ മരിച്ചു. കോട്ടയം കാഞ്ഞിരപ്പള്ളി ആനക്കല്ല് ഗവണ്‍മെന്റ് എല്‍ പി സ്‌കൂളിലെ യുകെജി വിദ്യാര്‍ഥി ആനക്കല്ല് പുരയിടത്തില്‍ ഹെവന്‍ രാജേഷ്  ആണ് മരിച്ചത്. 

കാഞ്ഞിരപ്പള്ളി ആനക്കല്ലില്‍ ഇന്ന് വൈകീട്ട് നാല് മണിയോടെയായിരുന്നു അപകടം. സ്‌കൂള്‍ വിട്ട് വീട്ടിലേക്ക് പോവുകയായിരുന്നു കുട്ടി. റോഡ് മുറിച്ച് കടക്കുന്നതിനിടെയാണ് അപകടം നടന്നത്. 

ആനക്കല്ല് തടിമില്ലിന് സമീപത്ത് വച്ച് കുട്ടിയെ കാര്‍ ഇടിച്ച് തെറിപ്പിക്കുകയായിരുന്നു. അപകടം നടന്ന ഉടന്‍ തന്നെ കുട്ടിയെ കാഞ്ഞിരപ്പള്ളി 26-ാം മൈലിലെ സ്വകാര്യ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാന്‍ സാധിച്ചില്ല. 

ഈ വാർത്ത കൂടി വായിക്കൂ

തെരുവുനായ ശല്യം: തദ്ദേശ സ്ഥാപനങ്ങളെ പഴിച്ച് മന്ത്രി, സുപ്രീംകോടതിയെ സമീപിക്കും 

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ