മൂവാറ്റുപുഴ: പശുവിന്റെ വയറ്ററില്‍ തുളച്ചുകയറിയ ഇരുമ്പ് പൈപ് ഫയര്‍ ഫോഴ്‌സ് സംഘം നീക്കംചെയ്തു. വെള്ളിയാഴ്ച രാത്രി 11.45ഓടെ മടക്കത്താനം പള്ളിക്കാമഠത്തില്‍ പി എന്‍ രാജുവിന്റെ ഉടമസ്ഥതയിലുള്ള നാലു വയസ്സ് പ്രായമുള്ള പശുവിന്റെവയറിലാണ് രണ്ടിഞ്ച് വണ്ണവും ഒന്നേമുക്കാല്‍ അടി നീളവുമുള്ള ഇരുമ്പ് പൈപ്പ് തുളച്ചുകയറിയത്.

തൊഴുത്തില്‍ പശുവിനെ കെട്ടാന്‍ വേണ്ടി ഉപയോഗിച്ചിരുന്ന കമ്പിക്കുമുകളിലേക്ക് തെന്നി വീണതാകാമെന്നാണ് നിഗമനം.

വിവരമറിഞ്ഞ ഉടന്‍ തൊടുപുഴയില്‍ നിന്നും സീനിയര്‍ ഫയര്‍ ആന്‍ഡ് റെസ്‌ക്യൂ ഓഫിസര്‍ കെ.എ. ജാഫര്‍ ഖാന്റെ നേതൃത്വത്തില്‍ ഫയര്‍ ഓഫിസര്‍മാരായ ബില്‍സ് ജോര്‍ജ്, വി. മനോജ് കുമാര്‍, എ. മുബാറക്ക്, വി.കെ. മനു എന്നിവരടങ്ങിയ സംഘം എത്തി പൈപ് സുരക്ഷിതമായി നീക്കം ചെയ്തു.