'യൂസ് ആൻഡ് ത്രോ'; കടലാസ് ചെരുപ്പുമായി ഖാദി 

കൊച്ചി: 'യൂസ് ആൻഡ് ത്രോ' കടലാസ് ചെരുപ്പ് അവതരിപ്പിച്ച് ഖാദി. വീടുകൾ, ആശുപത്രികൾ, ആരാധനാലയങ്ങൾ, ഓഫീസുകൾ എന്നിവയുടെ അകത്തളങ്ങളിൽ തുടങ്ങി ലബോറട്ടറികൾ, ശസ്ത്രക്രിയാമുറികൾ എന്നിവിടങ്ങളിലും ഇപയോ​ഗിക്കാവുന്നവയാണ് ഇവ. 

കൈകൊണ്ട് നിർമിക്കുന്ന കടലാസിലാണ് ചെരുപ്പുകൾ തയ്യാറാക്കുന്നത്. അൻപതു രൂപയാണ് ഒരു ജോഡിയുടെ വില. ഖാദി ആൻഡ് വില്ലേജ് ഇൻഡസ്ട്രീസ് കമ്മിഷന്റെ പോർട്ടലായ http://www.khadiindia.gov.in വഴി ചെരുപ്പുകൾ ഓൺലൈനായി വാങ്ങാം.