വസ്ത്രം മാറുന്നതിനിടെ യുവതിയെ പീഡിപ്പിക്കാൻ ശ്രമം; ആശുപത്രി ജീവനക്കാരനെതിരെ കേസ്, അന്വേഷണം എസ്‌പിക്ക്

കോഴിക്കോട്: കോഴിക്കോട് ജനറൽ ആശുപത്രിയിൽ ജീവനക്കാരിയെ പീഡിപ്പിക്കാൻ ശ്രമിച്ച കേസിൽ അന്വേഷണം ടൗൺ അസിസ്റ്റന്റ് കമ്മിഷണർ പി ബിജുരാജ് ഏറ്റെടുത്തു. ജീവനക്കാരി ദളിത് വിഭാ​ഗത്തിൽ പെട്ടതായതിനാൽ പട്ടിക വിഭാഗക്കാർക്കെതിരെയുള്ള അതിക്രമം പ്രകാരമുള്ള വകുപ്പ് കൂടി ഉൾപ്പെടുത്തിയിട്ടുണ്ട്. 

സെക്യൂരിറ്റി സൂപ്പർവൈസർ സുരേഷിനെതിരെയാണ് യുവതിയുടെ പരാതി. കേസിന്റെ ഭാഗമായി പൊലീസ് ബീച്ച് ആശുപത്രിയിലെത്തി സുരക്ഷാ ജീവനക്കാർ വസ്ത്രം മാറുന്ന മുറി ഉൾപ്പെടെ പരിശോധിച്ചു.

കഴിഞ്ഞ ഓ​ഗസ്റ്റ് 10ന് രാവിലെ 7.50നാണ് സംഭവം. യുവതി മുറിയിൽ നിന്ന് വസ്ത്രം മാറുന്ന സമയത്ത് ജീവനക്കാരൻ യുവതിയെ പീഡിപ്പിക്കാൻ ശ്രമിച്ചുവെന്നാണ് കേസ്. ജീവനക്കാരി ആശുപത്രി അധികൃതർക്ക് നൽകിയ പരാതി തുടർ നടപടിക്കായി ആശുപത്രി സൂപ്രണ്ട് വെള്ളയിൽ പൊലീസിന് കൈമാറുകയായിരുന്നു. ആശുപത്രിയിലെ താത്‌കാലിക ജീവനക്കാരനായ സുരേഷിനെ ജോലിയിൽ നിന്നും മാറ്റി.

ഈ വാർത്ത കൂടി വായിക്കൂ 

'നിയമനത്തട്ടിപ്പിൽ യുവമോർച്ച നേതാവും പ്രതി; പിന്നിൽ കോഴിക്കോട്ടെ നാലം​ഗ സംഘം'- അഖിലിന്റെ മൊഴി

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ