ടാസ്‌ക് ഫോഴ്‌സ് പ്രഖ്യാപിച്ച് മോദി, ഇനി തെരഞ്ഞെടുപ്പിൽ മത്സരിക്കാനില്ലെന്ന് സിദ്ധരാമയ്യ, പരമ്പര തൂത്തുവാരി ഇന്ത്യ; ഇന്നത്തെ അഞ്ചു പ്രധാന വാർത്തകൾ

ഇന്ത്യയിലെ പരീക്ഷാ സമ്പ്രദായത്തില്‍ പരിഷ്‌കാരങ്ങള്‍ നിര്‍ദേശിക്കുന്നതിനായി പ്രമുഖ ടെക് കമ്പനിയായ ഇന്‍ഫോസിസിന്റെ സഹസ്ഥാപകന്‍ നന്ദന്‍ നിലേക്കനിയുടെ നേതൃത്വത്തിലുള്ള ഉന്നതാധികാര ടാസ്‌ക് ഫോഴ്‌സ് പ്രഖ്യാപിച്ച് പ്രധാനമന്ത്രി നരേന്ദ്രമോദി. പരീക്ഷകളുടെ വിശ്വാസ്യത നിലനിര്‍ത്താന്‍ ലക്ഷ്യമിട്ടാണ് കേന്ദ്രസര്‍ക്കാര്‍ നടപടി. ഇതടക്കം അഞ്ചു പ്രധാന വാർത്തകൾ ചുവടെ:

ഇന്ത്യയിലെ പരീക്ഷാ സമ്പ്രദായത്തില്‍ പരിഷ്‌കാരങ്ങള്‍ നിര്‍ദേശിക്കുന്നതിനായി പ്രമുഖ ടെക് കമ്പനിയായ ഇന്‍ഫോസിസിന്റെ സഹസ്ഥാപകന്‍ നന്ദന്‍ നിലേക്കനിയുടെ നേതൃത്വത്തിലുള്ള ഉന്നതാധികാര ടാസ്‌ക് ഫോഴ്‌സ് പ്രഖ്യാപിച്ച് പ്രധാനമന്ത്രി നരേന്ദ്രമോദി. പരീക്ഷകളുടെ വിശ്വാസ്യത നിലനിര്‍ത്താന്‍ ലക്ഷ്യമിട്ടാണ് കേന്ദ്രസര്‍ക്കാര്‍ നടപടി

തെരഞ്ഞെടുപ്പു രാഷ്ട്രീയത്തില്‍ നിന്ന് വിട്ടുനില്‍ക്കാന്‍ തീരുമാനിച്ചതായി കര്‍ണാടക മുന്‍മുഖ്യമന്ത്രിയും കോണ്‍ഗ്രസ് എംഎല്‍എയുമായ സിദ്ധരാമയ്യ. രാഷ്ട്രീയരംഗം മലീമസമായതിനാല്‍ 2028ലെ തെരഞ്ഞെടുപ്പില്‍ മത്സരിക്കില്ലെന്നും സജീവ രാഷ്ട്രീയത്തില്‍ തുടരുമെന്നും സിദ്ധരാമയ്യ വ്യക്തമാക്കി. അടുത്ത തെരഞ്ഞെടുപ്പു വരുമ്പോളേക്കും തനിക്ക് 80 വയസ്സ് പിന്നിടും. ആരോഗ്യം തൃപ്തികരമല്ലാത്തതിനാല്‍ പഴയതുപോലെ പ്രവര്‍ത്തിക്കാനാകില്ല. തന്റെ രാഷ്ട്രീയ ജീവിതത്തിന് 50 വര്‍ഷം പൂര്‍ത്തിയാകുന്ന വേളയിലാണ് അടുത്ത തെരഞ്ഞെടുപ്പെന്നും സിദ്ധരാമയ്യ പറഞ്ഞു.

തനിക്കെതിരെ സിപിഎം- കോണ്‍ഗ്രസ് കൂട്ടുകെട്ടുണ്ടെന്ന് ആരോപിച്ച് ജി സുധാകരന്‍ എംഎല്‍എ. ആഭ്യന്തരമന്ത്രി രമേശ് ചെന്നിത്തലയെ വേദിയിലിരുത്തിയാണ് സുധാകരന്റെ വിമര്‍ശനം. രമേശ് ചെന്നിത്തലയുടെ പാര്‍ട്ടി ആലപ്പുഴയില്‍ സിപിഎമ്മിലെ ചിലരുമായുള്ള കൂട്ടു കച്ചവടം അവസാനിപ്പിക്കണമെന്ന് സുധാകരന്‍ പ്രസംഗത്തിനിടെ ആവശ്യപ്പെട്ടു.

തുടര്‍ച്ചയായ 13 ദിവസത്തെ വ്യോമാക്രമണത്തിന് ശേഷം ഇറാന് മേലുള്ള സൈനിക നടപടികള്‍ താല്‍ക്കാലികമായി നിര്‍ത്തിവെക്കാന്‍ യുഎസ് പ്രസിഡന്റ് ഡോണള്‍ഡ് ട്രംപ് ഉത്തരവിട്ടു. പശ്ചിമേഷ്യ വലിയ യുദ്ധത്തിലേക്ക് കടക്കുന്നത് തടയാനും നയതന്ത്രപരമായ പരിഹാരം കണ്ടെത്തുന്നതിനുമാണ് നിലവില്‍ മുന്‍ഗണന നല്‍കുന്നതെന്നാണ് യുഎസിന്റെ വിശദീകരണം. എന്നാല്‍ മിസൈല്‍ ശേഖരത്തിലെ ക്ഷാമത്തെ തുടര്‍ന്നാണ് താല്‍ക്കാലികമായി യുഎസ് പിന്‍വാങ്ങുന്നതെന്ന് റിപ്പോര്‍ട്ടുകളുണ്ട്.

സിംബാബ്‌വെയ്‌ക്കെതിരായ പരമ്പര തൂത്തൂവാരി ടീം ഇന്ത്യ. മൂന്നാം മത്സരത്തില്‍ ഇന്ത്യയുയര്‍ത്തിയ 193 റണ്‍സ് വിജയലക്ഷ്യത്തിലേക്ക് ബാറ്റുവീശിയ സിംബാബ്‌വെയുടെ ഇന്നിങ്‌സ് 157 റണ്‍സില്‍ അവസാനിച്ചു. അര്‍ധ സെഞ്ച്വറി നേടിയ റയാന്‍ ബേളാണ് (54*) ആതിഥേയരുടെ ടോപ് സ്‌കോറര്‍. 35 റണ്‍സിനാണ് ഇന്ത്യയുടെ വിജയം. ശ്രേയസ് അയ്യര്‍ ക്യാപ്റ്റനായ ശേഷം ഇന്ത്യ നേടുന്ന ആദ്യ ടി20 പരമ്പരയാണിത്. വൈറ്റ് വാഷ്, വിജയത്തിന്റെ മാറ്റ് കൂട്ടി. ഇന്ത്യന്‍ ബാറ്റിങ്ങിന്റെ നെടുംതൂണായ കൗമാര താരം വൈഭവ് സൂര്യവംശിയാണ് വിജയശില്‍പി. മായങ്ക് യാദവ് മൂന്നുവിക്കറ്റ് നേടി.