സ്വകാര്യ ബസ് ബൈക്കിലിടിച്ചു; കൊടുവള്ളിയില്‍ യുവാവ് മരിച്ചു 

കോഴിക്കോട്: കൊടുവള്ളിയില്‍ സ്വകാര്യ ബസ് ബൈക്കിലിടിച്ച് യുവാവിന് ദാരുണാന്ത്യം. ദേശീയപാത 766 ലാണ് സംഭവം. നെല്ലാങ്കണ്ടി പുല്ലോറമ്മല്‍ സ്വദേശി ദീപക് (കുട്ടന്‍- 35) ആണ് മരിച്ചത്.  

കോഴിക്കോട് നിന്ന് അടിവാരത്തേക്ക് പോകുകയായിരുന്ന റിലയന്‍സ് ബസ്, ദീപക് സഞ്ചരിച്ച ബൈക്കിന് പിന്നില്‍ ഇടിച്ച് തെറിപ്പിക്കുകയായിരുന്നു.ശനിയാഴ്ച വൈകീട്ട് അഞ്ചേകാലോടെയായിരുന്നു അപകടം.  അപകടത്തില്‍ ഗുരുതരമായി പരിക്കേറ്റ ദീപക്കിനെ നാട്ടുകാര്‍ ഉടന്‍ തന്നെ കോഴിക്കോട് മെഡിക്കല്‍ കോളജ് ആശുപത്രിയില്‍ എത്തിച്ചു. ദീപക് ജില്ലാ സഹകരണ ആശുപത്രിയില്‍ ഐടി വിഭാഗത്തില്‍ ജീവനക്കാരനായിരുന്നു.

അച്ഛന്‍: സദാനന്ദന്‍. അമ്മ: ശ്രീലേഖ. സഹോദരി: ദിവ്യ. സംസ്‌കാരം ഇന്ന് വീട്ടുവളപ്പില്‍ നടക്കും.
 

ഈ വാർത്ത കൂടി വായിക്കൂ 

അഹമ്മദ് ദേവര്‍ കോവിലും ആന്റണി രാജുവും രാജിവെച്ചു; മന്ത്രിയെന്ന നിലയിലെ പ്രകടനത്തിൽ തൃപ്തിയുണ്ടെന്ന് ദേവർകോവിൽ

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ