ലൈം​ഗികാതിക്രമക്കേസിൽ ട്രംപിന് തിരിച്ചടി, ഉമയുടെ ആരോ​ഗ്യനിലയിൽ പുരോ​ഗതി; ഇന്നത്തെ 5 പ്രധാന വാർത്തകൾ

കലൂർ അന്താരാഷ്ട്ര സ്റ്റേഡിയത്തിലെ വേദിയിൽ നിന്നു വീണ് ഗുരുതരമായി പരിക്കേറ്റ ഉമാ തോമസ് എംഎൽഎയുടെ ആരോഗ്യനിലയില്‍ നേരിയ പുരോഗതി. എംഎല്‍എ കണ്ണ് തുറന്നതായും കൈകാലുകള്‍ അനക്കിയതായുമാണ് റിപ്പോർട്ടുകൾ

ലൈംഗികാതിക്രമക്കേസില്‍ നിയുക്ത അമേരിക്കന്‍ പ്രസിഡന്റ് ഡോണള്‍ഡ് ട്രംപിന് തിരിച്ചടി. എഴുത്തുകാരി ഇ ജീന്‍ കരോളിനെ ലൈംഗികമായി ദുരുപയോഗം ചെയ്ത കേസില്‍ ട്രംപ് നഷ്ടപരിഹാരം നൽകണമെന്ന വിധി യുഎസ് അപ്പീല്‍ കോടതി ശരിവെച്ചു.

നൃത്തപരിപാടി കാണാനെത്തിയപ്പോൾ ഗാലറിയിൽ നിന്ന് വീണ് ഗുരുതരമായി പരിക്കേറ്റ ഉമ തോമസ് എംഎൽഎയുടെ ആരോഗ്യനിലയിൽ പുരോഗതി. രാവിലെ ഉമ തോമസ് കണ്ണു തുറന്നു. കൈകാലുകള്‍ അനക്കി. മകൻ രാവിലെ തീവ്രപരിചരണ വിഭാഗത്തിൽ ചികിത്സയിലുള്ള ഉമ തോമസിനെ കണ്ടപ്പോഴാണ് കണ്ണുതുറന്നത്.

പുതുവത്സരാഘോഷങ്ങളുടെ ഭാഗമായി കൊച്ചിയിൽ ഇന്ന് കർശന സുരക്ഷ. ന​ഗരത്തിലാകെ പൊലീസ് സന്നാഹമുണ്ടാകും. കൊച്ചിയിൽ പാർക്കിങ്ങിന് ക്രമീകരണങ്ങൾ ഏർപ്പെടുത്തിയിട്ടുണ്ട്. മദ്യവും മയക്കുമരുന്നും ഉപയോഗിക്കുന്നവരെ കണ്ടെത്താൻ പ്രത്യേക സ്ക്വാഡ് ഉണ്ടാകും.

രാജ്യത്ത് ഏറ്റവും കൂടുതൽ സ്വത്തുള്ള മുഖ്യമന്ത്രിമാരുടെ പട്ടികയിൽ ഒന്നാം സ്ഥാനത്ത് ആന്ധ്രപ്രദേശ് മുഖ്യമന്ത്രി എൻ ചന്ദ്രബാബു നായിഡു. 931 കോടി രൂപയുടെ സ്വത്തുവകകളാണ് നായിഡുവിന് ഉള്ളത്. ഏറ്റവും കുറവ് മമത ബാനർജിക്കാണ്. കുറഞ്ഞ ആസ്തിയുള്ള മുഖ്യമന്ത്രിമാരിൽ പിണറായി വിജയൻ മൂന്നാം സ്ഥാനത്താണ്.

സന്തോഷ് ട്രോഫി ഫുട്‌ബോള്‍ പോരാട്ടത്തിന്റെ ഫൈനല്‍ ഇന്ന്. എട്ടാം കിരീടം ലക്ഷ്യമിട്ട് കേരളം കലാശപ്പോരില്‍ കരുത്തരായ പശ്ചിമ ബംഗാളുമായി ഏറ്റുമുട്ടും. രാത്രി 7.30 മുതലാണ് കലാശപ്പോരാട്ടം.