തിരു‌വനന്തപുരം: പ്രതിപക്ഷ നേതാവ് രമേശ് ചെന്നിത്തലയ്ക്ക് കോവിഡ് 19 സ്ഥിരീകരിച്ചു. ഭാര്യയ്ക്കും മകനും വൈറസ് ബാധ സ്ഥിരീകരിച്ചതിനെത്തുടർന്ന് ചെന്നിത്തല ക്വാറന്റീനിലായിരുന്നു. ഇതേത്തുടർന്ന് കഴിഞ്ഞ ദിവസങ്ങളിൽ വിവധ പരിപാടികളിൽ അദ്ദേഹം പങ്കെടുത്തിരുന്നില്ല. 

ഇന്ന് പ്രതിപക്ഷ ഉപനേതാവും മുസ്ലിം ലീഗ് എംഎൽഎയുമായ എം കെ മുനീറിന് കോവിഡ് സ്ഥിരീകരിച്ചിരുന്നു. ഇന്ന് ഉച്ചയോടെ എംഎൽഎ തന്നെയാണ് തന്റെ ഔദ്യോഗിക ഫെയ്‌സ്‌സ്ബുക്ക് പേജിലൂടെ ഇക്കാര്യം അറിയിച്ചത്. 

ചൊവ്വാഴ്ചയാണ് ചെന്നിത്തലയുടെ ഭാര്യയ്ക്കും മകനും കോവിഡ് സ്ഥിരീകരിച്ചത്. ഇതേത്തുടർന്നാണ് രമേശ് ചെന്നിത്തല നിരീക്ഷണത്തിൽ പ്രവേശിച്ചത്.